Submitted by निशिकांत on 2 August, 2022 - 09:48
मोगर्याला वास आहे
आठवांचा त्रास आहे
पूजिल्याने देव भेटे
अंध हा विश्वास आहे
का उगा गुलमोहरावे?
ऊन का मधुमास आहे?
टाळसी का? मानतो मी
लग्न कारावास आहे
दूध जे पीता तुम्ही तो
वासरांचा घास आहे
"लोक म्हणती काय?" याने
कोंडलेला श्वास आहे
नाळ तुटली सौंगड्यांशी
ऑनलाइन क्लास आहे
मातृभाषा नावडे पण
इंग्रजी फर्मास आहे
शांतता असते टिकाऊ
वादळा! इतिहास आहे
अपयशातच ईश्वराची
नित्य धरली कास आहे
का असा "निशिकांत" तुजला
मृगजळाचा ध्यास आहे?
निशिकांत देशपांडे, पुणे.
मो. क्र. ९८९०७ ९९०२३
वृत्त--मनोरमा
लगावली--( गालगागा)X२
विषय:
Groups audience:
Group content visibility:
Public - accessible to all site users
शेअर करा
सुंदर
सुंदर
<< आठवांचा त्रास आहे >>
<< आठवांचा त्रास आहे >>
आठवा म्हणजे काय?
>>का उगा गुलमोहरावे?
>>का उगा गुलमोहरावे?
ऊन का मधुमास आहे?
वाह!!!
सर्वांचे मनपासून आभार
सर्वांचे मनपासून आभार प्रतिसादासाठी. आठव हणजे आठवण.
आवडली. गझल का नाही?
आवडली. गझल का नाही?
उबो मलाही कधी कधी आठवात वगैरे शब्द खटकतात, कधी नाही.
आवडली..
आवडली..