मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by हर्षल वैद्य on 21 January, 2022 - 08:50
आसवांचे आटणे झाले कधी
दुःख मज ना वाटणे झाले कधी
कोरडे मानीत गेलो ग्रीष्म मी
हे नभाचे दाटणे झाले कधी
रोख ना, ना दागिने, ना बंगले
वेदनांचे साठणे झाले कधी
वाटले नेतील तारुन वादळी
त्या शिडांचे फाटणे झाले कधी
वैनतेया कृष्णही स्वामी जरी
पंख त्याचे छाटणे झाले कधी
विषय:
Groups audience:
Group content visibility:
Use group defaults
शेअर करा
छान आहे
छान आहे