फेसबूक, व्हॉट्सप, मायबोली आणि सारेच सोशलमिडीया बंद झाले तर.. काय कराल?

बाकी सोशल मिडीया गेले तर फरक पडणार नाही. मायबोली गेली तर दु:खी होईन!
भेळीचे फोटो यथावकाश देणे.

लै मस्त व्हईल !

दुसर्‍या कशात आनंद शोधेन!
सोमि न्हवतं तेव्हाही आनंदात होतो, सोमि असताना ही आनंद आहेच. ते परत गेलं तर दुसरं काहीतरी सापडेलच.
हे असं काळं आणि पांढरं... हे असलं तर किंवा ते नसलं तर फक्त शाळेच्या निबंधांपुरतं ठीक आहे. प्रत्यक्ष आयुष्यात माणूस आहे त्या परिस्थितीत जुळवुन घेतोच. रुळ बदलताना थोडा खडखडाट होईल, पण तो खडखडाट पण नंतर चेरिश करेन.
आजी फारपुर्वी कसं धान्य मिळायचं नाही, आणि रेशनवर कुठला लाल का काळा गहू मिळायचा अशा गोष्टी सांगत असे. बाबा आणि कुठल्या गोष्टी सांगतात. आपण करोना होता तेव्हा.... असल्या काही कथा सांगू. आणि कुठली पिढी फेसबुक गायब झाल्यावर.. अशा कथा सांगेल. इतिहासात नोंद करायला एक गोष्ट मिळेल. बाकी मागील पानावरुन पुढे चालू!

आम्ही ह्या शिवाय मेजर लाइफ जगलो आहोत व ते मजेत गेले. आताही इन्स्टा नाहीच. फेसबुक कामापुरते. दोन सपोर्ट ग्रूप आहेत. व्हॉट्सेप पण कामा पुरतेच . खरी मजा तर ट्विटर वर असते. व आमची मोबाइल गेम मर्ज ड्रॅगन्स. सो लाइफ गोज ऑन.

सगळे बंद झाले तरी आम्ही मजेत आहोत हे इतरांना कळण्याची सोय करा तेव्हढी.

अमितव +1

अजूनही कोण सिग्नल ऍप वापरतंय ते काल समजलं
मग काही जुन्या पण आता ओसाड पडलेल्या सिग्नल गृप वर आम्ही थोडी टिंगल टवाळी केली.

आयुष्यात आपल्याकडे ठराविक प्रमाणातच वेळ असतो, हे एकदा कळले की सोशल मीडियावर वाया जाणारा वेळ आपोआप कमी होतो. फरक इतकाच की काहींना ते लवकर लक्षात येते आणि काहींना उशीरा. विशेषतः पुरेसा पैसा मिळाला की वेळ महत्त्वाचा आहे, ते उमजून येते आणि विचार येतो, What would you do if you didn't need the money nor the attention?

आयुष्यात माणूस आहे त्या परिस्थितीत जुळवुन घेतोच. रुळ बदलताना थोडा खडखडाट होईल, पण तो खडखडाट पण नंतर चेरिश करेन......+१.

मायबोली तेवढी नक्की मिस करेन.कदाचित त्याचीही सवय होईल.

मी काय करेन ते नंतर लिहिते विचार करून पण माझी बहिण आणि तिचा ग्रुप हे सगळं बंद पडलं म्हणून गूगल पे वर ग्रुप बनवून गप्पा मारत होत्या हे बघून मी डोक्याला हात लावला.

व्यत्यय -

काही विशेष फरक पडणार नाही.
कार बदलली आणि मग इंडीकेटर्स द्यायचा रॉड डावी कडचा उजवीकडे आला की सवयीने इंडिकेटर ऐवजी वायपर सुरू होतो, लक्षात येते, मग इंडिकेटर बरोबर देतो, पण नंतर पुन्हा तीच चूक होते, असे काही दिवस चालते. मग शेवटी पूर्ण सवय होते.
तसे काहीसे होईल, सोमी वरून रिअल लाईफ पर्यायांकडे वळताना एवढेच.
म्हणजे चुकून मोबाईलवर WA उघडायला गेलो, लॅपटॉपवर माबो उघडायला गेलो, मग आठवले अरे हे तर बंद असे.
तेव्हा हे बंद आहे हे स्वीकारून दुसरीकडे वळणे.
"अर्रे हे तर बंद, श्या!! मी काय करु आता? का बरं केलं असं?" असे करत बसले तर त्रास होईल.

रिया +१.. इथेही लोक लगेच telegram or ईतर possible app कडे वळले.. सो आयुष्य तसं काही थांबत नाही.. ..
Ohh yes.. मानव.. सो आधीचाच एडिट करते reply.. बंद पडेल असं वाटत नाही कालच्या situation वरून.. एक बंद पडलं की दुसरं option होतंच ओपन काही ना काही.. झालंच बंद in case तर old is gold म्हणत पत्र ओर actual चावड्या परत सुरू... हा का ना का..

सारेच सोमी बंद पडले तर काय असा प्रश्न आहे.

सारेच सोमी बंद पडले तर काय असा प्रश्न आहे. >>>

मग लक्षात येईल की घरचेही तसे बरे आहेत सगळे.

पुढच्या दशकात
https://www.livescience.com/solar-storm-internet-apocalypse

आपल्यासारखे रिकामटेकडे लोक काहीतरी उपयुक्त काम करायला लागतील
वाती वळणे, धान्य निवडणे, रामाचे नाव घेणे अशी सध्या करता अनयुजवल कामंही करता येतील..

मजा येईल असे वाटते.

हर्पेन
अमितव +१

लाईट असतील तर मस्त नाव गाव फळ फुल खेळता येईल.किंवा म्हातारीचे घर.

ओले वाल सोलायची किंवा गवार निवडायची स्पर्धा ठेवता येईल.ठराविक वेळेत कोण नीट शिरा काढलेले,व्यवस्थित लांबीचे गवार सेगमेंट करतो.लोकांना भेंडीत चिरा पाडून मसाला भरायला बसवता येईल.खिडकीचे एक एक तावादान देऊन कोण चांगले स्वच्छ पुसतो बघता येईल.(#दीदीसेहतकेलियेतूतोहानीकारकहै)

<< फेसबूक, व्हॉट्सप, मायबोली आणि सारेच सोशलमिडीया बंद झाले तर.. काय कराल? >>

------ मी चक्क वापरणार नाही.

पूर्वीचे दिवस पुन्हा अनुभवायला मिळतील.

<< फेसबूक, व्हॉट्सप, मायबोली आणि सारेच सोशलमिडीया बंद झाले तर.. काय कराल? >>
काहिही फरक पडणार नाही. व्हॉट्सप गरजेसाठी वापरत असून दिखाव्यासाठी वापरत नाही.मायबोली वाचनमात्र.बाकी सोमी वापरतच नाही. त्यामुळे जसं आहे तसंच आयुष्य चालणार आहे.

शांत माणूस +1

मग लक्षात येईल की घरचेही तसे बरे आहेत सगळे>>>हर्पेन
बाकी सोमि बंद झालं तर चालेल. पण मायबोली बंद नको.

मी अधून मधून सोशल डिटोक्स म्हणून एक आठवडा ते 15 दिवस असा कालावधी पूर्णपणे सर्व सोशल मिडियामधून बाहेर पडतो
ना व्हाट्सअप्प ना फेसबुक, सगळे अप्प काढूनच टाकतो, मोह व्हायला नको म्हणून
कारण कितीही आवरलं तरी नोटिफिकेशन आल्यावर संयम रहात नाही
त्या कालावधीत फक्त फोन कॉल साठी वापरात असतो
त्यामुळे त्रास होणार नाही, छान वाटलं उलट
पण माझ्या कामाच्या स्वरूपात अनेकदा फेसबुकवर, ट्विटर वर बातम्या मिळतात, त्या बंद होतील एवढीच भीती

मी बहीणीशी बोलायला काल गुगल duo वर टाईमपास मेसेजिंग शोधून काढले . पण सोमी नसले तरी फार काही फरक पडणार नाही आयुष्यात, जुने दिवस जगायला मिळतील आणि तोही एक छान अनुभव असेल माझ्यासाठी. फक्त माबो नसेल तर वाईट वाटेल.

अरे गप्पाच माराय च्या तर सिग्नल टेलिग्राम आहे. ऑल्सो तुम्ही एक जी मेल आयडी पासवर्ड करून त्यात मेसेज लिहून ड्राफ्ट सेव्ह करायचा. तो वाचून दुसरा/ री उत्तर देउ शकते. फक्त सेव्ह करायचा ड्राफ्ट सेंड पण नाही.

मल्टिपल आय्डी रेगुलरली वापरणारे जे असतात त्यांचे मधमाश्यांच्या पोळ्यावरदगड मारल्यावर माश्या इतस्ततः घोंघावतात तश्या त्या आयड्या घोंगावतील व आता मी काय करू काही तरी कामदे ह्या कथेतल्या भुतासारखे काय पोस्टू कुठे पोस्टू करतील भंडावून सोडतील असे व्हिजुअल डोक्यत आले.

मध्यंतरी जैन लोकांचे पर्यु श्ण पर्व चालू होते तेव्हा काही लोकां नी २६ दिवसाचा डिटॉक्स घेतला होता.

हम्म तेही आहेच पण टाकले नाहीये फोनमध्ये उगच भारंभार ॲप्सची भरती आवडत नाही.

<< मध्यंतरी जैन लोकांचे पर्यु श्ण पर्व चालू होते तेव्हा काही लोकां नी २६ दिवसाचा डिटॉक्स घेतला होता. >>

----- पोटाला आराम मिळावा (किंवा नसलेल्या देवाचे आपल्याकडे, आपल्या गर्‍हाण्यांकडे लक्ष जावे ) म्हणून काही लोक मंगळवार, गुरवार, एकादशी, चतुर्थी... असे नाना प्रकारचे उपवासाचे वार धरतात. त्यातही उप प्रकार आहेतच एकवेळा जेवण, कडकडीत उपवास केवळ पाणी / दुध , दोन्ही वेळेला उपवासाचे " मोजके " पदार्थ....

त्याच धर्तीवर मार्च महिन्यात कुठल्या तरी शुक्रवारी National Day of Unplugging पाळतात.... काही लोक विकेंडला no electronics चा कटाक्षाने अंमल करतात. मी माझा सेल फोन आठवड्यातून दोन दिवशी, शनिवार रविवार, झोपण्याअगोदर नेहेमी बंद करतो.

कोण बोलतंय बघा हे

प्रत्यक्ष आयुष्यात माणूस आहे त्या परिस्थितीत जुळवुन घेतोच. रुळ बदलताना थोडा खडखडाट होईल, पण तो खडखडाट पण नंतर चेरिश करेन.>>>+१११ अमितव. बाकी उंच स्टूल धरूनच ठेवलय जणू
हर्पेन अनु मस्त आयडिया.
एकंदरीत एवढा फरक पडणार नाही असंच वाटतंय. फक्त एखादी इमर्जन्सी सिच्युएशन आली असती काल रात्री तर थोडं पॅनिक वाटलं असतं. पण फोन चालू होते. ते बंद पडले तर प्रॉब्लेम होऊ शकतो.

कायमसाठी बंदबिंद झालं तर आमचा रोज सकाळ चा योगा क्लास बंद पडेल झूम वरचा ते वाईट वाटेल.