पाककृती स्पर्धा क्र. १ - उपवासाची दही पुरी- Sonalisl

Submitted by sonalisl on 22 September, 2021 - 19:10

साहित्य:
१ मध्यम आकाराचा बटाटा
मीठ
१-२ टेबलस्पून फराळी पीठ
तेल
१ काकडी
१ सफरचंद
१ हिरवी मिर्ची
दही
साखर
१ डाळींब
कोथिंबीर

पाककृती:

बटाटा किसून त्यात मीठ मिसळावे. २-४ मिनिटानंतर त्याला पाणी सुटेल तेव्हा ते मुठीत दाबून काढून टाकावे. त्यानंतर त्यात फराळी पीठ मिसळावे. मिसळताना एकावेळेस एक चमचा पीठ घ्यावे व ब.किस एकत्र मिळून येईल इतके पीठ वापरावे. (पीठ जास्त झाल्यास पूरी कुरकुरीत न होता कडक होतात.)
आप्पे पात्रात २-३ थेंब तेल घालून त्यात चमचाभर बटाट्याचा किस घालून बोटाने दाबत त्याची वाटी करावी. मग भाजून घ्यावी. (१ बटाट्यात १० पूऱ्या झाल्या)
67CA1A23-BFFA-49D2-843A-D13CE656BF1B.jpeg

काकडी, सफरचंद सालकाढून बारीक चिरून घ्यावेत. त्यात चवीनुसार मीठ आणि अतिशय बारीक चिरून मिर्ची घालावी.
दह्यात आवडीनुसार साखर घालावी.
7679FED3-803F-4B51-9574-D51CA89D7826.jpeg

पुरीत आधी काकडी-सफरचंद घालून त्यावर दही घालावे. वरून कोथिंबीर आणि डाळींबाची सजावट करावी.
3699284D-B382-4C84-80D5-16CA8F83F06C.jpeg
तळणे नाही आणि बटाट्याचे प्रमाणही कमी आहे म्हणून मला ही पाककृती आरोग्यपूर्ण वाटते.

विषय: 
पाककला
शब्दखुणा: 
मायबोली गणेशोत्सव २०२१
उपवासाचे पदार्थ
Groups audience: 
मायबोली गणेशोत्सव २०२१
Group content visibility: 
Public - accessible to all site users
शेअर करा

वाह
जबरदस्त दिसत आहेत
नक्की करुन बघणार

Submitted by mi_anu on 22 September, 2021 - 19:48

भारी दिसताहेत. चिंच चालते ना उपासाला? चिंच गूळ खजुराची चटणी पण घालता येईल. उपासाची ओपन राज कचोरी नाव दे. होऊदे खर्च. Happy

Submitted by अमितव on 22 September, 2021 - 21:34

>>>>>>चिंच गूळ खजुराची चटणी पण घालता येईल. उपासाची ओपन राज कचोरी नाव दे. होऊदे खर्च. Happy
सुपर ड्युपर सुचना. खूप छान लागेल.

Submitted by सामो on 23 September, 2021 - 02:01

छान दिसताहेत!

फराळी पिठ कशाचं बनवतात?
आणि काकडी, सफरचंदची साल नाही काढली तर त्यातल्या त्यात अजून पौष्टिक होईल ना (फायबर + काही जीवनसत्व).

Submitted by मानव पृथ्वीकर on 23 September, 2021 - 04:00

फराळी पिठ कशाचं बनवतात?>>>>> मानवदा, राजगिरा + वरई + साबुदाणा + शिंगाडा हे एकत्र दळुन किंवा वेगवेगळे दळुन वापरता येते.

Submitted by रश्मी. on 23 September, 2021 - 06:07

प्रतिसादाबद्दल सर्वांना धन्यवाद!

चिंच चालते ना उपासाला? चिंच गूळ खजुराची चटणी पण घालता येईल.>>> चिंच चालते ते माहीत नव्हते. घातली तर मस्तच लागेल.
फराळी पीठ म्हणजे उपासाची भाजणी>> हो.

आतल्या बाजूने कच्चं नाही लागतं? का ओव्हन मध्ये टाकाव्या लागतील?>>> एकदम पातळ पारी आहे पण तरीही कच्चे राहू नये म्हणून जास्त वेळ लागला भाजायला. आप्पे पात्रात आकार येण्यापुरत्या भाजून ओव्हन/एअर फ्रायर मधे लवकर खरपूस भाजल्या जातील.

काकडी, सफरचंदची साल नाही काढली तर त्यातल्या त्यात अजून पौष्टिक होईल ना (फायबर + काही जीवनसत्व).>>> मलाही साले काढायची नव्हती पण गरम पाण्यात धूऊनही त्यावरचे वॅक्स पूर्ण निघाले असे वाटत नव्हते.

Submitted by sonalisl on 23 September, 2021 - 07:50

बास्केटस कसल्या मस्त झाल्यात बटाटा खीस च्या.आमच्या कडे हा पदार्थ केल्यास बास्केट भाजून त्यात सगळं टाकेपर्यंत बास्केटस चा फन्ना उडू नये म्हणून घरातल्या लोकांना कोंडून ठेवावं लागेल.

Submitted by mi_anu on 23 September, 2021 - 09:27

Pages