शशक पूर्ण करा १ - चावी - ललिता-प्रीति

Submitted by ललिता-प्रीति on 17 September, 2021 - 10:58

काहीच सुचत नाहीय. सगळीकडे फक्त अंधारच अंधार. कानावर फक्त पाण्याचा आवाज पडतोय. मनाला एक अनामिक हुरहूर लागून राहिलीय. तेवढ्यात दरवाजा उघडला जातो.....

त्याचवेळी वरचा दिवा लागतो. दारावरची ‘सुकेत गोहिल’ पाटी; आम्ही ‘सुकट’ गोहिल म्हणतो. आंघोळीला जायच्या तयारीत दिसतोय... खांद्यावर टॉवेल, गीझरचं पिरपिर पाणी बादलीत पडतंय...

“अं-कल, टू-वन-झिरो-सेव्हन-ची-चा-वी...?”

उद्याच्या विचारानं पोटात खड्डा पडतोय. असंच होतं का सगळ्यांना? मूव्हीजमध्ये तर किती कॅज्युअली दाखवतात!

सुकट कसला बघतो... त्याला डाऊट आलाय? येऊ दे... पहिलं हर्डल तर पार झालं. थंडगार की-चेन, माझ्या हाताला फुल्ल घाम!

लोक्याचा प्लॅन कमाल आहे. एक्झिक्यूट करताना माझीच बोंब आहे. It takes TWO to... येईल ना ती उद्या? What the hell!

विषय: 
Group content visibility: 
Public - accessible to all site users

छान आहे.
Happy सुकटला लोक्याच्या घरातून टँगोच्या स्टेप्स आणि मुझिक ऐकू आले नाही म्हणजे झाले.

मस्त..
आवाज नाही येणार. बहुतेक एकदम चिडीचूप असणार आहे. Wink

हॉटेलमध्ये प्रियकर - प्रेयसी भेटणार आहेत, किंवा याला तिचा संपवायचं आहे किंवा आणि काही तरी प्लॅन नुसार करायचं आहे.
यातील कॅरेक्टर्सना काही पार्श्वभूमी असेल तर मात्र माहित नाही. शीर्षक चावी आहे, सो की वर्ड हा की आणि ही की आहे Proud