शशक पूर्ण करा - बाहेरचं जग - अमितव

काहीच सुचत नाहीय. सगळीकडे फक्त अंधारच अंधार. कानावर फक्त पाण्याचा आवाज पडतोय. मनाला एक अनामिक हुरहूर लागून राहिलीय. तेवढ्यात दरवाजा उघडला जातो.....

इतका वेळ फक्त पाणी गळत होतं, पण आता त्या दरवाजाबाहेर फारच गडबड जाणवते आहे. कोणी डोकं ओढतंय. तिकडुन कोणी पाय ओढताहेत! का? इतके दिवस इथे रहातोय, हे माझंही घर आहेच की! अगदी हक्कांच नसलं तरी वहिवाटीचा तरी हक्क आहेच ना? या चार भिंतीत जे काय मिळतंय ते गपगुमान खातोय. भिंती तरी कसल्या? खुराडं आहे नुसतं. मला खूप भिती वाटते आहे. या दाराबाहेर कोण असेल? इतके दिवस हेच विश्व समजत होतो. भितीने हृदयाची ठोके वाढतात ना? माझे तर कमी होत आहेत वाटतंय. बाहेर जावंच लागेल असं दिसतंय.
.
.
हुSSश्य!
मोकळा श्वास!
काही दिसत नाहीये, पण मोकळं वाटतंय. शेपटी कापू नका!
.
.
टॅSSS हॅSSS

<दुसरा शेवट>

सापडला उंदीर!