चातुर्मासाच्या कथा - चतुर मा'सी' सह (नागपंचमी)

तुम्हाला गांधीजी झाले
धमाल , हे पाच झोके घेण्याचं कुणी सांगितले की मग ?
मस्तच. चतुर मा सी नावही फार चपखल..
धनुडी ला एक पुपो !
---
मूळकथा कुठे आहेत का ऑनलाईन ?

भारी आहे.

नागिणी ने तिच्या मुलीचा पत्ता काढून आणि तीने त्या मुलीच्या घरी घरी जाई पर्यन्त , तसेच त्या मुलीने अमृत घेऊन घरी येऊ पर्यन्त चा जो वेळ आहे तो वर त्या शेतकर्याची फॅमिली तशीच मरून होती, म्हणजे मुलीला माहित असून ही त्यांचा अंतिम संस्कार ही झाला नव्हता HAHAHAH

ती मुलगी शेतकऱ्याची आहे हे नागिणीला माहिती आसते तरी तिला विचारते ......
सी, (आय डी) कसं सुचतं हो तुम्हाला

पुरणाचे दिंड करावे हे कुणी सांगितलं? जिने ज्याने सांगितलं त्यांचे खरे उपकार!)...... हे बेस्ट.

अर्रर्र

भारीच!

ओ आमचे पातोळे पण घाला त्यात...

बदले की आग मे जलती नागीन दुश्मन के घर जहर भरे दात लेके पहुंची.... आणि तिथे लाहीभोजन बघुन सगळे विसरली.....

उद्या ‘गांधीजयंतीचा दिवस होता. करमचंद काळजीने येरझाऱ्या घालत होते>>>> पहिल्याच वाक्यात सिक्सर सी मला तुझ्या कहाण्यांमुळे रोजची तिथी कळतेय.

मला तर ते गाजर खाणारे डिटेक्टिव करमचंद डोळ्यासमोर आले.

आज आम्ही कापणे भाजणे या सर्व क्रिया केल्या.
पुरण दिंड किंवा कडबु मेन लंच म्हणून अजिबात खाववत नाहीत(तसेही साईड आयटम म्हणून पण खाववत नाहीत)
त्यावेळी ही गोष्ट आठवली

>>आज आम्ही कापणे भाजणे या सर्व क्रिया केल्या.

शाब्ब्ब्ब्बास!! तुम्हाला "प्रोग्रेसिव्ह" हे सर्टफुकट बहाल करण्यात येत आहे.

धनुडी ला एक पुपो !>>>> थॅंक्यु गं अस्मे. खावीशी वाटतच होती, इतकी चर्चा झाल्यावर

गांधीजयंतीचा दिवस होता. करमचंद काळजीने येरझाऱ्या घालत होते आणि सुईणीने “तुम्हाला गांधीजी झाले” वर्दी दिली’ अशी कथा लिहाल >>

कथा अपूर्ण आहे. आणि पंचमी चुकीच्या अर्थाने रूढ झालेले आहे.

जेव्हा नागीणीला कळलं शेतकऱ्याची मुलगी नागाला पूजते तिने विचारलं का?
तेव्हा शेतकऱ्याच्या मुलीने सांगितले की आमच्या गावी एक मोठा नाग आहे. तो न्यायनिवाडा करतो. तोच आमचा पंच आहे. आम्ही त्याला पुजतो.

आपण शेतकऱ्याच्या घरात सगळ्यांना मारलं हे चूक की बरोबर हे नागिणीला कळे ना. शेतकऱ्याची मुलगी आपल्या माहेरचे सगळे गेल्याने शोकाकुल झाली होती. मग न्याय निवाड्या साठी त्यांनी त्या नागाकडे जायचे ठरवले.
दोघी गावाजवळच्या मोठ्या वारुळाकडे गेल्या. आणि पंच महाराज आमचा न्यायनिवाडा करा म्हणुन वारूळावरची पुंगी जोराने फुंकली.

वारुळातून नाग मोठ्या दिमाखाने बाहेर आला. आपण पंच असल्याचा त्याला मोठा अभिमान होता.
अमरीश पुरी सारख्या भारदस्त आवाजात म्हणाला
" नाsssग पंच मी! सांगा काय केलात राडा, पंच मी, करेन तुमचा निवाडा!"
नागिणीने घडले ते सांगितले. शेतकऱ्याची मुलगी रडत म्हणाली "पंच महाराज, माझे बाबा मुद्दाम कुणा प्राण्याला नाही मारणार हो, कोंबडा, बकराही स्वतः नाही मारत. हा निव्वळ अपघात आहे!"

नागोबा: "नाग पंच मी! मला सांग मी तुझ्या घरच्यांना जिवंत केलं तर तू खुष होशील का? तुझा निवाडा होईल का?

मुलगी म्हणाली "पंच महाराज, माझ्या घरचे जिवंत झाले तर मला आनंद होईल तरी दुःख मात्र राहील आणि नीट निवडा झाला नाही असे वाटेल."

नागोबा: "नाग पंच मी! माझा निवाडा तुला मंजूर नाही?"

मुलगी: " तसे नाही महाराज, पण या नागिणीची लेकरं ही हकनाक गेलीत ना. त्यांना पण जिवंत करता आलं तर दोघींना न्याय मिळेल. निवाडा पूर्ण होईल."

नागोबा: "नाsssग पंच मी! खुष झाला!
जा मुली जा! जा नागिणी जा! जगून घ्या आपले आयुष्य.... आपल्या सग्या सोयऱ्यांबरोबर!
हा अमृताचा घडा घेऊन जा आणि जिवंत करा त्यांना जा!"

असे बोलून शेपटीने त्याने एक घडा वारुळा समोर ठेवला आणि "नाग पंच मी!" म्हणत परत वारुळात गेला.

"आजचा दिवस किती आनंदाचा! काय बरं म्हणावं आजच्या दिवसाला?" अमृताचा घडा उचलताना मुलगी आनंदाने चित्कारली.

त्या आवाजने डिस्टर्ब झाल्याने नागोबा चिडून ओरडले "नाssग, पंच मी! जा की आता गुमान!"

दोघींना वाटले "नाग पंच मी" हेच आजच्या दिवसाला म्हणावं असं नागोबा सांगताहेत. आणि त्या दिवसाला "नाग पंच मी" म्हणायचे ठरवले. पुढे त्या पंच मी चे लोकांना पंचमी वाटून तो दिवस पंचमीच्या दिवशी नागपंचमी म्हणुन साजरा केला जाऊ लागला.

कथा नाय घडली तर आधीच नागपंचमीचा दिवस कसा >>> नागपंचमीचा दिवस होता मेक्स सेन्स. म्हणूनच तर शेतकर्‍याची मुलगी नागाची पूजा करत असेल ना? नाहीतर काय 'उगाच ही पंचमी मोकळी ठेवायला नको' म्हणून नागाची पूजा करत होती का काय ती?

ती मुलगी शेतकऱ्याची आहे हे नागिणीला माहिती आसते तरी तिला विचारते ...... >>> हे मात्र खरंच गमतीशीर आहे. तिलाच चावायला गेली आणि शेतकर्‍याची मुलगी कोण हे माहितीच नव्हतं? मग काय रँडम चावा? की आधी आधार कार्ड वगैरे मागायचा विचार होता नागिणीचा?

उद्या ‘गांधीजयंतीचा दिवस होता. करमचंद काळजीने येरझाऱ्या घालत होते आणि सुईणीने “तुम्हाला गांधीजी झाले” वर्दी दिली’ अशी कथा लिहाल…
>>

नागाच्या पिल्लाले का ग्ग खवळीलं ... हे गाणे तेव्हा असते तर शेतकर्‍याकडून मुळातच अशी चूक झाली नसती

बाकी ते अमृत येतेय या आशेवर ते मुडदे तसेच पडून होते का? मेरे करन अर्जुन आयेंगे म्हणत

अरे स्मार्ट नाग आणि स्मार्ट अमृत यावर कुणाला प्रश्न पडले नाही. ते मुडदे आणि अंत्यसंस्कारावर पडले होय! स्मार्ट नाग क्षणात एकीकडून दुसरीकडे जातो आणि स्मार्ट मुलगी क्षणात दुसरीकडून एकीकडे येते आणि घालते ते अमृत मलम घशात. सिंपल.
स्मार्ट डोअर बेल, स्मार्ट पॉटी सीट वरुन हे स्मार्ट लोण पाळीव प्राण्यांत येईल. तेव्हा स्मार्ट नागाचे पेटंट काढून ठेवा बरं.

या कथेवर अत्यंत विनोदी आऊटलुक्स वर आलेले आहेत.
कालच कपाटातून नारिंगी कथांचं पुस्तक काढून ठेवलंय
मूळ कथा वाचतेच.

अरेरेरे नागांंवर पंच मारून साजरी करतात का नाग'पंच'मी ! जे जे पंच मारतील त्यांना 'बेलंची नागीण निघाली' ऐकताना लाईट किंवा इंटरनेट जाईल हा शाप लागेल. जर तिच्याकडे अमृत होतं तर तिने स्वतःच्या नाग कुटुंंबाला जिवंत का नाही केलं ? सुमित मिक्सरमधे प्यूरे झाली म्हणून का ? प्यूरे वर अमृत वर्क होत नाही का ?

(बदला ही भावना काढून टाकणे सोपे नसते. विशेषतः ज्याने अन्याय केला त्याला काही गम-पस्तावा नसेल तर जास्तच अवघड असते. पण तरी जमेल तसं, तेव्हा माफ करावे कारण आपल्यावर अन्याय केला तरी इतर कुणाचे आयुष्य घडवले ही असेल आणि आपल्यावरच अन्याय मुद्दाम केला नसेल, अजाणता ही घडला असेल. बाकी निसर्ग-मानव झगडा चालू #मॉडर्नचातुर्मास) >> आवडलं

भारी आहे. शेवटचा परिच्छेद सुंदर.

जर तिच्याकडे अमृत होतं तर तिने स्वतःच्या नाग कुटुंंबाला जिवंत का नाही केलं ......हायला अस्मिता क्या सही बोली रे तू! इतक्या वर्षांत कसे सुचले नाही?

हा पा,विचार छान आहे.आचरणात आणायला फार कठीण!

ही कथा सॉलिड धमाल झालीय
अशीच शिवामूठ कथा पण एकदम भन्नाट असल्याची आठवतेय.

हा पा,विचार छान आहे.आचरणात आणायला फार कठीण! >> हो ना! मी तर मला चावणाऱ्या डासालाही मारतो. डासास कुठे ठाऊक असतं की तो/ती अमुक एक व्यक्तीला त्रास व्हावा म्हणून चावतो/चावते आहे? सेंटिअंट बीईंगस ना माफ करणं तर फारच अवघड आहे.

अस्मे खरंच की अमृत होतं तर स्वतः च्या पिल्लांनाच जिवंत करायचं ना. काय लॉजिक लावतात काय माहित. बाकी मानवच्या कथेत नाग एवढ्या वेळा पंच मी पंच मी म्हणत होता मला वाटलं आता मुलगी किंवा नागिण कोणीतरी देणारच पंच याला

धनुडी

बदला -बदला खेळत बसली , एकता कपूरची नागीण जणू !