वाड्यातल्या गप्पा

अरे चांगले असेल. अमुलची बरी असतात product.

अमित, अमूलचं (चेडर) चीज मस्त आहे. त्यांचं म्हशीच्या दुधाचं ६.५% फॅटवालं दहीपण एकदम मस्त आहे. मी त्या दह्याचं विरजण ६% अमूलच्या दुधाला लावून घरी दही करते. त्याचच मग ग्रीक योगर्ट करते. एकदम क्रीमी, ओशट वास नसलेलं मस्त दही होतं.

दही बघितलं नाही. आणतो सापडलं तर.
हल्ली आमच्या कॉस्कोत ६% दूध आलंय, अमुलचं नाही इथल्या लोकल डेरीचं. आम्ही एकदा आणलं. पण मला वास इतका काही आवडला नाही. मला भारतात गेल्यावरही हल्ली तिकडच्या दुधाचा वास येतो आणि फार आवडत नाही. इथलं २ पर्सेंट फारतर होमो अल्ट्रा पाश्चराईज्ड आणि मुख्य म्हणजे होमोजिनाईज्ड आवडतं. परत आणेन का माहित नाही. साय तर शत्रू आहे. कॅन नॉट स्टँड साय.
दह्याचं विरजण मिळालं तर मात्र आणेन. दह्याचं विरजण ही फार उस्तवार आहे जी मला झेपत नाही. त्या ऐवजी दह्याचे डबे वर्क्स. बॅक्टेरिया न मारणे, केलेलं दही संपवणे, आणि परत सर्क्युलर विरजण लावणे आणि रिपीट इज टू मच एफर्ट! एखाद दोन आठवडे जमेल. पण पर्पेच्युअल दोन तीनदा ट्राय केले पण ते काही शक्य झालेले नाही.

लंपन, जबरदस्त.
सुप्रभात..

सुप्रभात

वा किल्ली वा !
मस्त चहा.

त्यांचे नवीन टेंडर कोकोनट आले आहे आणि बेरी dazzel. दोन्ही भारी आहेत. बेरी dazzel तर फारच भारी आहे....... आता मागायला पाहिजे. अगदी 2-३ वर्षांपूर्वी अमूल आइस्क्रीम क्वचित मिळत असे. बाकीचे ब्रँड्स मिळायचे. 0an amool Mazya आवडीचे. मात्र कुल्फीने निराशा केली.

हाय हॅलो।सुप्रभात रामराम वाडा

हॅलो वाडा. आज सामसुम इकडे? सगळे उन्हाळून पडी टाकायला गेले की काय

आज सकाळी उमाने शॉट दिला डोक्याला उगीचच. २-३ दिवस किरकोळ दुखणं होतं म्हणून सकाळच्या समर फिटनेस बॅचसाठी जात नव्हती. फक्त संध्याकाळी ग्राऊंड, तेही झेपेल तसंच. काल रात्री म्हणाली की उद्या सकाळी जाऊया. म्हटलं ठीक आहे. आणि पहाटेपासून ती आणि भाची दोघीही कशामुळे कळेना पण जाग्याच होत्या ५ वाजल्यापासून एसी, पाणी पिणं सगळं झालं पण झोपेनात. मग हिला जरा झोप लागतेय तोवर उठायची वेळ झाली. मग उठून फिटनेस करून आल्यावर नाश्ता-आंघोळ करून झोपते म्हणाली. हेही ठीकच कारण दमली होती. खोलीत जाऊन पंखा लावून झोपली. मग मी पावणेअकराला तिला हात लावून उठवायला गेले तर चटका बसेल इतका गरम झाला होता पाय तिचा. सणसणली होती म्हणून मी पटकन एसी लावला, कारण खूपच गरम आणि बंदिस्त वाटत होतं. ३ पैकी एकही थर्मामीटर धड चालत नव्हता. एव्हाना १० मिनिटांनी ती फ्रेश झाली होती आणि चक्क नॉर्मलवर आली होती! काही तापबिप नाही :कपाळबडवती:
मग म्हणे, बघ आई, तूपण ना! मी ती चादरीची घडी तशीच पायावर टाकली म्हणून इतकी गरम झाले असेन.
माझ्या तोंडचं पाणी पळालं होतं तो चटका बसल्यावर! मला असं झालं की चादर? सिरिअसली?

मग झाली नीट आणि गेलीपण हुंदडायला
पायावरची चादर, कमी स्पीडवरचा पंखा, अपुरी झोप आणि खेळून आल्यावर थकवा याचा हा परिणाम होता.

अरे बापरे
उन्हाळा आहेच काळजी घ्याआमच्याकडे पण मोठी मंडळी आजारलीत.
आणि मला कसतरी होतंय
वीकएंड ची वाट पाहतेय आता आणि काय

ती पुरेसं पाणी पिते आणि डाएट डायरीत लिहायलाही सांगितलंय कोच सरांनी. ताक पिते, सरबत पिते. तशी खाण्यापिण्यात कटकट कमी असते. पण मूळ प्रकृती जरा उष्ण आहे त्यामुळे पटकन उकडतं तिला. लहानपणी सुद्धा तिला झोपवलं की डोक्याचं टोपरं आणि उशी घामाने भिजायची उन्हाळ्यात. पंचधातूचे वाळे, चांदीचे वाळे/ करदोटा असायचाच कायम. आता पूर्वीइतकं नाही होत. जरा नीट पंखा लावून झोपली असती तर नसता हा त्रास झाला. असो. आता मीही कंटाळत कंटाळत काम करतेय. वेळ संपत आली.

आता मीही कंटाळत कंटाळत काम करतेय. +१११
पण माझी वेळ रात्री ११ला संपते ऑफिस ची

प्रज्ञा
घाबरवले की लेकीने
उन्हाने थकायला होतंय फार.
आमचा हिरो एक दिवस किती उठवले तरी उठलाच नाही आणि गेलाच नाही कॉलेजला.

सांभाळून गं प्रज्ञा.. उन्हाळ्याचा मुलांना त्रास होतो आहे. आणि त्यांना पटकन समजत नाही.

गेल्या आठवड्यात लेक मार्शल आर्ट्सच्या क्लासला गेली. इनडोअरच आहे पण एसी वगैरे नसतो. आणि तिथेच मळमळत होत तिला. घरी येऊन तिला एसीखाली बसवलं, थोडं गार पाणी दिलं. इतरवेळी १००दा फ्रीजमध्ये तोंड घालून बसायचं असतं तर त्या दिवशी गार पाणी नको म्हणे. पण जरा वेळाने बरं वाटलं.

ओ आर एस वगैरे नेहमी असतंच माझ्याकडे साबांच्या आजारपणापासून. सगळ्यांनीच ठेवा एखाद पाकीट. नाही तर मग सरबत तरी तयार असू द्या घरात इमर्जन्सी म्हणून.

आज मी पाव भाजीसाठी पाव आणायला गेले होते तर शेतकरी बाजार लावला होता म्हणून थोडी भाजी घेत बसले. घरी आले तेव्हापासून डोकं दुखतंय, समजतच नव्हतं. आता मदतनीस बोलली ताई तुम्हाला उशीर झाला घरी यायला. ऊन लागलं असेल.
आता तेल थापून बसले आहे.

बाप रे ! खुपच तीव्र उन्हाळा आहे यावेळेस...जपा सगळ्यानी.

>>बाप रे ! खुपच तीव्र उन्हाळा आहे यावेळेस...जपा सगळ्यानी.>> +१

हॅलो वाडा
खूप तीव्र उन्हाळा आहे यंदा. जपा सगळ्यांनी.
Keep hydrated....

मौनानं ही होतं एवढं रामायण
हे माहीत असतं तर
शब्दांच्याच स्वाधीन झाले असते ;
पण शब्दांनी नेली असती मिरवणूक
भलत्याच दिशेला.
शब्द म्हणजे अंध कौरव
ओठात एक, पोटात भलतंच
मौनाचं रामायण सहन करता येतं
सीता होऊन;
पण शब्दांचं महाभारत सोसायला
पाठीशी कृष्ण हवा
-पद्मा गोळे

आलाच शेवटी तो ताप. पोस्ट लिहिताना सबकॉन्शस-कम-गट फीलिंग आलं होतं तसंच झालं. आता तिला पूर्ण विश्रांती सांगितली आहे. आज-उद्याची मॅच हुकली म्हणून फुणफुणून झालंय.

ऋतुराज, कविता आवडली.

ऋतुराज, हे मला खूप आवडणारं मुक्तक आहे.

छान कविता
प्रज्ञा काळजी घ्या बायांनो
.
गट फीलिंग ला मी गटग फीलिंग वाचलं
#kunitari log off करू द्या रे

गोविंद अब न आयेगा ठरलं ना?
कशाला हवाय तो कृष्ण? नसेल झेपत तर बना सीताच आणि बसा मौन बाळगून सहन करत! कोणी कृष्णबिष्ण येणार नाहीये!
अजिबात आवडली नाही कविता!

आयडॉल कोण बघत आहे का इथे? मी अधून मधून बघत आहे. चांगले आहेत गायक. तनिष्क तर फारच मस्त गातो. बहुत करून रफीची गाणी गातो, त्यामुळे जास्तच आवडतो. रफीचा आवाज एकदम पवित्र आणि मखमली आहे. लता आणि रफी बास अजून काय हवे.

ऋतुराज, कविता आवडली >>> १००००+

लंपन आज सुपघो केलं बऱ्याच दिवसांनी. सुनबाई ला पण आवडली रेसिपी. मी लगेच मायबोली उघडून वाचून दाखवली, कॉलर ताठ करत.
उन्हाळा असं लिहीवंत पण नाहीये, एवढा जाणवतोय. सकाळी चर्चगेट लाच चटके बसतात.दुपारी बाहेर पडणाऱ्या चं काय होत असेल , बापरे.
प्रज्ञा काळजी घे गो तू पण.
ऋतूराज, पद्मा गोळेंची कविता आवडली. पण अमितवचा त्रागा पण समजला. पण तो एवढा उगीचच चिडतोय. इकडच्या उन्हामुळे?

उन्हात आलोतर बघाला नको! इथे अजुन १३ आहे, रात्री अजुनही रोज लो सिंगल डिजिट जातंय! कधी येणार उन्हाळा! उन्हाळा कधी येणार!!!

धनुडी thank you thank you.
इथे आता मस्त गार वारा सुटला आहे. दिवसभर तसे ढगाळ होते आज.
ऋतुराज छान आहे कविता. ह्यांची कविता पाठ्यपुस्तकात होती कोणती ते आठवत नाही.

आमच्याकडे मस्त आहे सध्या ! हलक हलक उन, बारिक थन्डी