पाऊस

सुंदर कविता.!

"पहिला पाऊस"

अशी सांज अजाण वयाची... अलवार क्षितिज कुसुंबी
मनात निवळे ओढ... चढे ढगांस साज नारिंगी

सावल्या गर्द होतांना... रस्ता ठिपक्यांचा व्हावा
सांडित सडा ग्रीष्माचा... अलगद पहिला पाऊस यावा

खिडकीतून दिसते सर... मन भिजून चिंब कोरडे
रात्रीच्या प्रहरांत जागा... पाऊस वाजवी चौघडे

कौलांवर उभा कोसळे... ही रात्रही सोबत गळे
वीज चमके, उरी कोसळे... मन दचकून व्हावे खुळे

उषेच्या कोवळ्या कांतीला... ओल सोनेरी जडविलीं
जपल्या पाऊली गरतीच्या... ही सृजन स्पंदने जागली

- (भालचंद्र धनावडे)