Submitted by निशिकांत on 23 March, 2021 - 22:17
वेदनांचा गाव आहे]
हासण्या मज्जाव आहे
खुश कधी दिसला कुणी तर
नाटकी तो आव आहे
टाळतो बोलावयाला
तो सुशिक्षित राव आहे
बामनाची जात कळते
देशपांडे नाव आहे
कालच्या वारांगनेचा
आज पडला भाव आहे
तत्व कसले? वेळ येता
पाहिले घुमजाव आहे
तू सखे गेलीस, उरला
आठवांचा घाव आहे
मारला गर्दीत धक्का
चेहर्याने साव आहे
वाढलो, खेड्यात जगलो
शिक्षितांचे भ्याव आहे
हासणे बघण्या सखीचे
हारलो मी डाव आहे
केवढी "निशिकांत" गर्दी?
कोण अपुले? ठाव आहे
निशिकांत देशपांडे, पुणे.
मो .क्र. ९८९०७ ९९०२३
वृत्त--मनोरमा
लगावली--गालगागा X २
विषय:
Groups audience:
Group content visibility:
Public - accessible to all site users
शेअर करा