आय सपोर्ट सुनिल गावस्कर !

व्हिडीओ पाहिल्यावर गावसकर ची कॉमेंट खोडसाळ नव्हती असं जरी कळलं, तरी अनुष्का चा उल्लेख अनावश्यक वाटला. >>>
सहमत. पण समजा लॉकडाऊनमध्ये विराट अनुष्का ऐवजी कुण्या शेजाऱ्यासोबत (जो क्रिकेटपटू नाही) खेळला असता आणि गावस्करने अनुष्का ऐवजी त्याचा उल्लेख केला असता तरी जेवढी अनावश्यक वाटली असती तेवढीच.
अनुष्काचं नाव पाहून खोडसाळपणे वेगळे वळण दिल्या गेले आणि केवळ म्हणुन त्याकडे लक्ष वेधले जातेय, अन्यथा लक्षातही आले नसते.

आपण एका अनादरमय जमान्यात जगतोय असे एक मूळ इंग्लीश वाक्य आहे. हे खरे आहे. सोशल मीडीया आल्यापासून कुणीही कुणालाही धारेवर धरतंय. अनेकांना संधी हवी होती , ती मिळतेय. हे झालं सामान्य जनतेचं.

पण नव्याने जे खेळाडू सेलेब्रिटी होताहेत त्यांची पोझिशन ही इंद्रदेवाच्याही वर आहे. स्वतः सुनील गावसकर नवा असताना त्याची इमेज काही अशी नव्हती. त्या वेळचे खेळाडू हे हौशी होते. ते कुठेतरी नोकरी करून क्रिकेट खेळत. त्यांचा पोटापाण्याचा मुख्य धंदा क्रिकेट नव्हता. त्यांचे मालक त्यांना क्रिकेटसाठी रजा देत. भारतीय रेल्वे, पोलीस आणि एलआयसी ला रजा द्यायला प्रॉब्लेम नव्हता. जे खासगी कंपन्यात काम करत त्यांना रजा मिळवताना बीसीसीआयला मध्यस्थी करावी लागत असे. ही पार्श्वभूमी सर्वांना माहीत असणे गरजेचे आहे. कपिलदेव पण निमसरकारी आस्थापनेत कामाला होता.

याच मंडळींनी १९८३ ला विश्वचषक मिळवून दिला आणि भारतीय क्रिकेटला जाहीरातींचा ओघ सुरू झाला. ओन्ली विमलने प्रायोकत्व स्विकारले. मग एमआरएफ टायर्स आणि असे मोठमोठे प्रायोजक आले. त्या वेळी कपिलदेव हा सर्वात मोठा स्टार होता. त्याच्या खालोखाल संदीप पाटील, श्रीकांत हे स्टार खेळाडू असत. सुनील गावसकर हा एक क्लासिक खेळाडू होता. ज्याला त्याचा खेळ समजला त्याला समजला. उचलून फटके मारणा-यातला तो नव्हता. त्या वेळची गरजही तशीच होती. तंत्रशुद्ध खेळाचे उदाहरण देण्यासाठी जगभरात सुनील गावसकर आणि दिलीप वेंगसरकर चे नाव घेतले जाई. दिलीपचे मोठे कट आउट्स लॉर्डस वर आहेत.

सुनील गावस्कर तेव्हांही किमान चुका करणारा खेळाडू आणि वक्ता म्हणून प्रसिद्ध होता. क्रिकेट खेळताना लूज बॉलवर तो टोलेबाजी करत असे तशीच टोलेबाजी मुलाखती देताना करत असे. त्याने आदर कमवायला कित्येक वर्षांची क्रिकेट सेवा केली. आजचं क्रिकेट हे या खेळाडूंची देण आहे. आज पैसा मिळतो तो यांच्यामुळे.

पण याच पैशामुळे आजचे स्टार क्रिकेटर्स जमिनीवर नाहीत. ते स्वतःला भगवान समजतात. सामान्य जनते पेक्षा वेगळे समजतात. पूर्वी सीनीयर, निवृत्त खेळाडूंचा आदर केला जात असे. वयाचा मान ठेवला जात असे. त्यांच्या चुकीच्या आरोपांवरही मान ठेवूनच बोलले जात असे. आत्ताच्या खेळाडूंना आम्ही एव्हढे महान हे कोण माजी लागून गेले असा अ‍ॅटीट्यूड आहे.

हीच विचारसरणी त्यांच्या फॅन्सचीही आहे.

लता मंगेशकर, सुनील गावसकर, अमिताभ बच्चन, कपिलदेव हे एके काळचे दिग्गज आताच्या पिढीच्या दृष्टीने सॉफ्ट टार्गेट्स आहेत. यातल्या अनेकांना यांच्या कामगिरीचाही गंध नसतो.

हॅरी सेजल सिनेमा पडला म्हणून कोणी विराटला दोष दिला होता का? >>> विराट कोहली अनुष्कासोबत अभिनय अभिनय खेळत असता तर शार्प सेन्स ऑफ ह्युमर असलेल्या एखाद्याने त्यावर एखादी कमेण्ट केली असती. ह्युमर न कळणा-यांनी मग त्याचा बाऊ केला असता.
पत्नीच्या अपयशाला पती जबबदार का असाही टाहो रेम्याडोक्या रॅशनलिस्टकडून फोडला गेला असता. आम्ही रॅशनॅलिस्टस आहोत हे सिद्ध करणे हा ही आपले खासगी व्हिडीओ पब्लीक करण्याइतकाच गंभीर आजार आहे.

व्हिडीओ तर व्हायरल व्हायला पाहीजेत आणि त्यावर प्रतिक्रिया नकोत हे २०२० मधे कसे काय शक्य आहे ? ज्याने कुणी विनापरवनागी व्हिडीओ काढला त्याच्या विरोधात हे जोडपे बोललेले दिसत नाही. असे का ?

ते विरुष्काला पसिद्धी माध्यमात सतत चर्चीले जाणे फार जरुरी आहे. कारण त्यांचे बरेचसे उत्पन्न हे सोशल मीडिया प्रोमोशन्स मधून मिळते. जर चर्चाच झाली नाही तर कोण जाणार आहे त्यांच्या पेज वर. म्हणून मग थोड्या थोड्या दिवसांनी काही तरी काडी करून चर्चेत येतात. कुठे रस्त्यावर कचरा फेकला म्हणून कुणाला तरी झाप आणि त्याचा व्हिडीओ वायरल कर, रिपोर्टरशी पंगा घे असले धेडगुजरी उपद्व्याप करत असतात. गावसकर वगैरे मंडळी हे वेगळ्या लीग मधले आहेत, त्यांनी ह्या प्रसिद्धीजीवी लोकांना फार थारा देऊ नये.