नाते

Submitted by द्वैत on 21 August, 2020 - 11:01

नाते

असावे असे एक नाजूक नाते
ढळावे जिथे ऊन मध्यान्हचे
जिथे वाहती मंद विरक्त वारे
तिथे पेटवावे दिवे सांजचे

असावी अशी ओढ नात्यात काही
जसे शांत डोही तरल चांदणे
जरी स्पर्श नाही कुणाचा कुणाला
तरी रोमरोमांच गंधाळणे

असावा असा घट्ट नात्यास पाया
जिथे ना उठावी कधी कंपने
उभा देह जावा दुभंगून सारा
मुळांशी उरावी तरी स्पंदने

द्वैत

विषय: 
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा