Submitted by द्वैत on 21 August, 2020 - 11:01
नाते
असावे असे एक नाजूक नाते
ढळावे जिथे ऊन मध्यान्हचे
जिथे वाहती मंद विरक्त वारे
तिथे पेटवावे दिवे सांजचे
असावी अशी ओढ नात्यात काही
जसे शांत डोही तरल चांदणे
जरी स्पर्श नाही कुणाचा कुणाला
तरी रोमरोमांच गंधाळणे
असावा असा घट्ट नात्यास पाया
जिथे ना उठावी कधी कंपने
उभा देह जावा दुभंगून सारा
मुळांशी उरावी तरी स्पंदने
द्वैत
विषय:
Groups audience:
Group content visibility:
Public - accessible to all site users
शेअर करा
सुंदर भावना..
सुंदर भावना..
अप्रतिम.... कविता...
अप्रतिम.... कविता...
छान!!! डोळे मिटून मनात
छान!!! डोळे मिटून मनात गुणगुणाविशी वाटणारी कविता!!!
फार सुंदर
फार सुंदर
प्रतिसादांसाठी सर्वांचे
प्रतिसादांसाठी सर्वांचे धन्यवाद
अप्रतिम....
अप्रतिम....
धन्यवाद दत्तात्रय जी
धन्यवाद दत्तात्रय जी
अतिशय सुरेख, तरल.
अतिशय सुरेख, तरल.