दुनियेत माणसांच्या

दुनियेत माणसांच्या जगणे झकास नाही,
पैशास मोल आहे दुसऱ्या कशास नाही.

असतील भव्य वाडे शहरातल्या कुणाचे
पण झोपडीत माझ्या जगणे भकास नाही.

मी काय अर्थ काढू या गूढ जीवनाचा?
बुद्धीस हाय माझ्या असली मिजास नाही.

मज जायचेच आहे गंधाळल्या दिशेला,
वाटेत भेटणारा असली सुवास नाही.

थकलेत फार डोळे वाहून मेघ ओले,
म्हणणे तुझ्या व्यथांचे माझा कयास नाही.

सारे तसेच आहे येथे युगायुगांचे,
कुठल्याच माणसाने केला विकास नाही.

---------मयुरेश परांजपे----------