कढीपत्ता (Curry leaves- Easy to grow tropical plant )

कडीपत्त्याला बुरशीचा (black spot fungus) प्रार्दुभाव होतो>>>>>>> धन्यवाद!
माझ्या घरच्या कढीलिंबाला हाच प्रॉब्लेम आहे.

छान आहे रोपटं. माझ्या रोपाला बुरशी चा त्रास झालेला जो इतर रोपांवर पसरला म्हणून मी काढून टाकलं.
ताक दिल्याने वास छान येतो कडीपत्त्याच्या पानांना असं ऐकलंय.

छान माहिती.

कढीपत्ता असे लिहायला हवं. खूप छान वाढतो कढीपत्ता. पाणी पण जास्त लागत नाही. शेजारी पाजारी, नातेवाईक कढीपत्त्याची पाने नेतात तेव्हा खूप समाधान वाटते.

मी पण ताक घालते कढीपत्त्याला. आता झाड खूप मोठं झालंय. त्यामुळं भाजीबाजारात विकायला बसणारे विचारतात झाड देणार का म्हणून. मग 4 ते 5 महिन्यातून ते लोक एक फांदी ठेवून बाकीचं सगळं कट करून नेतात. नवीन पालवी छान फुटते मग.

धन्यवाद.

जीवामृत+ हळदीचे पाणी ह्या मिश्रणाचे फवारे झाडावर मारले तरी कीड निघून जाते. गुलाबाच्या रोपट्यावर सुद्धा कीड पडली असेल तर हा उपाय लागू पडतो.

छान माहीती..कढीपत्ता आणि कोथिंबीर माझ्या आवडीचे!

जीवामृत म्हणजे काय बरे?

धनयवाद अक्षता!

मी सांगतो. एक किलो देशी गाईचे शेण, एक लिटर तिचं गोमूत्र, दोन शे ग्रॅम डाळीचं पीठ, दोन शे ग्रॅम गुळ वीस लिटर पाण्यात मिसळावे. वडाखालची माती थोडीशी टाकावी. मिश्रण सात दिवस सावलीत ठेवावे. रोज तीन वेळा काठीने ढवळावे. सात दिवसांनी पाण्यात एकास पाच ते दहा मिसळून झाडाच्या मुळाशी घालावे. गाळून पाणी घालून फवारू शकता.

धन्यवाद परशुराम

छान माहिती.
मी काही महिन्यांपूर्वी बाजारातून कढीपत्त्याचं रोप आणून लावलंय. चांगलं रुजलंय. १०-१२ इंच उंच झालं आहे. गेल्या आठवड्यात कळ्यांचा वाटावा असा एक घोस दिसायला लागलाय. इतक्या लवकर फुलं येतात का? मी कढीपत्त्याची फुलं एकदाही पाहिलेली नाहीत.

ननि, झकास. बाजारातून कढीपत्ता आणावा लागू नये असं माझं एक स्वप्न आहे.

कढीपत्त्याच्या फांदीपासुन ( ४५° मध्ये कापुन). कढीपत्त्याची फांदी कुंडीत लावावी. नवीन पालवी फुटेपर्यंत कींवा रोपट थोड मोठं होइपर्यंत त्याला अशा जागी ठेवावे जेथे थेट सूर्यप्रकाश नसेल व माती नेहेमी ओली (moist) ठेवावी >>>>
हे कोणी प्रत्यक्ष करून अनुभवले असेल तर सांगाल का ? मी पावसाळ्यात मुळासकट उपटुन लावलेल्या लहान रोपांमध्येसुद्धा किमान ५०℅ मरतुक आढळली तर अश्या फांद्या जगतील का ह्याबद्दल मन अजूनही खरंच साशंक आहे.

कढिपत्त्याला करवंदासारख्या दिसणाऱ्या बिया येतात. त्या ओलसर असतानाच मी लावल्या होत्या तर खूप छान झाडं वाढली. सध्या एकेक झाड दहा बारा फूट उंच आहे. आमच्या इथे नर्सरी मध्ये केवळ पंधरा रुपयांत कढीपत्त्याची रोपं मिळतात.

मोगरा cuttings पासुन लावताना ६ फांद्या फूकट घालवल्या होत्या ७ व्या वेळेस यश आलं>> सातव्या वेळी कशी/कुठे कापली होती फांदी ते सांगता येईल का? मी गेल्या वर्षी गावाहून आणलेल्या मोगऱ्याच्या चारपाच फांद्यांंपैकी एकही जगली नाही. सांगितलंत तर यावर्षी आणताना लक्षात ठेवता येईल.

फिक्या जांभळ्या रंगाची अगदी pitukli फुले असतात कढीलिंबाची.

मोठे झाड ज्यांच्याकडे आहे त्या झाडाखाली बरीच रोपे उगवलेली सापडतात. मुळांतून रोपे निघतात.
ऊन चांगले लागले तर बुरशीफिरशी अजिबात येत नाही.

मस्त धागा.... Try Karen कढीपत्ता लावायचा

काही सेंकद्स असे वाटले की कुठला इंपोर्टेड Karen नावाचा कढीपत्ता ट्राय करायला सांगताहात.

छान माहीती. फोटोही मस्त.

पुर्वी होतं माझ्याकडेही कढीलिंबाचं रोप (कढीपत्ता) , आईने दिलेला तिच्याकडचा छान बहरलेला. छान वाढलेला, काही वर्ष छान होता माझ्याकडेही, वाढत होता, फोफावत होता, शेजाऱ्यांना पण द्यायचे मी, बियाही आलेल्या, नंतर ती किड लागल्यासारखं झालं आणि गेलं ते . तेव्हा मी नेटपासून लांब होते, नेटसाक्षर नव्हते, त्यामुळे फार काही उपाय माहीती नव्हते. नंतर मायबोलीवर नि ग वगैरे वाचताना काय करायला हवं होतं ते समजलं. नंतर लावलं नाही परत रोप मात्र.

श्रीरामपुरला होतो तेव्हा समोर रस्त्यावर केवढं तरी मोठं झाड होतं कढीलिंबाचे.

ननि मस्तच.

गेला आठवड्यात बाजारातून कढिपत्ता आणला , दोन जाडया फांद्या त्याला बर्याच लहान लहान फांद्या. सगळी पान काढली भुंडया फांद्या कुंडीत रोवल्या. दोन दिवसात सगळ्या लहान फांद्या गळून पडल्या.
मी उरलेल्या 2 काटक्या काढून टाकणार होते. पण तशाच राहिल्या.
आज पाहिलं तर दोघांना पालवी फुटलीयं . आता बघू पुढे काय ते .