मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by द्वैत on 14 November, 2019 - 02:23
मंत्री बनून गेले
पेटीतल्या मतांचा सौदा करून गेले
बोका बनून कोणी लोणी गिळून गेले
ह्यांच्याकडून कोणी खोटेपणा शिकावा
केला विरोध ज्यांना त्यांना धरून गेले
का घालती असे हे, हे शुभ्र साफ कपडे
जर अंतरंग ह्यांचे पुरते मळून गेले
सत्तेपुढे न जाई ज्यांची विवेक दृष्टी
ते का कधी कुणाचे अश्रू पुसून गेले
आली अजून नाही अक्कल इथे कुणाला
चर्चेत दंग सारे ... कामे भुलून गेले
उधळू गुलाल आता विसरून दुःख सारे
साहेब आज अमुचे मंत्री बनून गेले
विषय:
Groups audience:
Group content visibility:
Public - accessible to all site users
शेअर करा
मस्तच
मस्तच
सुंदर...
सुंदर...