सोळा आण्याच्या गोष्टी - संयोजक - बोकलत

गेले काही दिवस वातावरण खूपच ढगाळ होतं. दरसालाप्रमाणे यावर्षीही गणेशोत्सवाचा उत्साह पार शिगेला पोहचला होता. नाविन्यपूर्ण स्पर्धांनी ते संकेतस्थळ व्यापलं होतं. स्पर्धकांमध्ये सुरु असलेली चढाओढ वाखण्याजोगी होती, परंतु स्पर्धांचा विजेता हा पारंपरिक मतदान पद्धतीने न निवडता खुद्द संयोजक निवडणार होते. संयोजकांच्या या निर्णयामुळे स्पर्धकांत मतभेद होते. अनेकांनी संयोजकांवर टीका केली होती तर काहींनी स्वागत. गणपती गावी गेले, स्पर्धा संपल्या आणि विजेतेही घोषित झाले. ढगाळ वातावरण निवळून लख्ख सूर्यप्रकाश पृथ्वीवर पसरला.

काही दिवसांपूर्वी........
सगळ्यांनी व्यवस्थित लक्ष देऊन ऐका, उद्यापासून स्पर्धांना सुरवात होईल, परंतु विजेते हे ठरल्याप्रमाणे तेच झाले पाहिजेत, नाहीतर पृथ्वीचा विनाश अटळ आहे. मानवजातीच्या कल्याणासाठी आपल्याला हे पाऊल उचललंच पाहिजे.