स्वप्नं ...

Submitted by मनापासून on 14 July, 2019 - 04:13

स्वप्न…!!!

स्वप्नांच्या दुनियेत स्वप्नांचे इमले ...
स्वप्नांच्या इमारती अन स्वप्नांचे बंगले ...!!

कधीही व्हा श्रीमंत
कधीही व्हा गरीब …!
आपल्याच हातात मेहनत अन
आपल्याच हातात नशीब …!!

क्षणात व्हा छोटे तर
कूस बदलताच मोठे ...!
अगदी सहज मिळतं इथे
कसलेच नाही तोटे ...!!

सगळचं चांगलं होतं इथे, वाईट होत नसतं ...!
जरी घडवलं मुद्दामून, तरी solution मात्र असतं ...!!

आईबाबा ताई दादा रुसत कधीच नाही..!
लग्न झालं तरी, घर कधीच तुटत नाही ...!!

प्रेम कधीही मिळवता येतं इथे, शेकडो युक्त्या लढवून ...!
दाखवताही येत ते, बरेच प्रसंग निर्माण करून ...!!

मित्रांसाठी जगता येत, अशक्य तेही करवून …!
ओठावर हसू येतं, तुटलेला मित्र सहज जोडून …!!

स्वप्नांच्या या मस्त दुनियेत सगळेच अमर असतात …!
किती काळ गेला तरी नाती कधी मरत नसतात ...!!

वय झालं तरीही स्वप्नं म्हातारी होत नाहीत ...!
सगळं मिळालं आयुष्यात तरी पोट काही भरत नाही …!!

स्वप्नं जरी पाहिली तरी त्यास पक्के ठाऊक असते …!
जगायची खरी मजा तर सत्यात अनुभवायची असते ...!!

विषय: 
काव्यलेखन
शब्दखुणा: 
स्वप्नं
Groups audience: 
गुलमोहर - कविता
Group content visibility: 
Use group defaults
शेअर करा

शेवटचं कडवं जास्त आवडलं. Happy

मला तुमची कविता वाचताना सुचलेल्या काही ओळी.

स्वप्नांच्या पलिकडेही
एक सुंदर जग असतं.
ज्याचं नाव आयुष्य
अस असतं.
या आयुष्यात असतात;
रोजचे नवनवीन प्रवास.
त्यांना अनुभवण्यातच
मजा आहे खास.
हे अनुभवच आणतात,
जगण्यात खरी मिठास..

Submitted by मन्या ऽ on 14 July, 2019 - 07:56