रिक्त नव्हते स्थान त्याच्या अंतरी

Submitted by सुप्रिया जाधव. on 4 June, 2019 - 23:15

काय असते चव.. कळू दया हे तरी
या सुखान्नो एकदा माझ्या घरी

साजरे करते ऋतूंचे सोहळे
बदलते रुपडे... धरा नटमोगरी !

काय दयावा मी स्वतःचा भरवसा ?
ओळखीची मी कुठे माझ्यातरी

चांदण्यांची प्रणयगाथा कल्पिते
लाजते आभाळ, होते शेंदरी

संयमाचे वस्त्र होते ओढले
वासनांच्या बरसल्या जेव्हा सरी

साखळीपाणी किनारी खेळते
लाट फिरते परतण्याला सासरी

धृवतारा व्हायचे होते मला
रिक्त नव्हते स्थान त्याच्या अंतरी

सुप्रिया मिलिंद जाधव

विषय: 
Group content visibility: 
Use group defaults

<<<
धृवतारा व्हायचे होते मला
रिक्त नव्हते स्थान त्याच्या अंतरी
>>>
क्या बात है, अ-प्र-ति-म _/\_

धृवतारा व्हायचे होते मला
रिक्त नव्हते स्थान त्याच्या अंतरी>> कोणते शेर कोट करु? सगळेच सुंदर जमले आहेत. अगदी छान!

आई ग...