इच्छा

बालपणापासून माझे एक स्वप्न आहे,जे आजही पूर्ण झालेच नाही अन् होईल असे आता वाटतही नाही.का? असे काय स्वप्न आहे माझे?
तसे फार मोठे नाही---- पण कठीण नक्की आहे.
कारण इच्छाशक्ती कमी आहे.
तशी इच्छा हीच स्वप्नांची माऊली असते.आईशिवाय लेकराची आबाळ होते तशीच इच्छाशक्ती शिवाय स्वप्न साकार होणे कठीण!!!!
आणि इच्छा मनात जन्मते,म्हणून इच्छेला शक्तीची (मनाची) जोड हवी.तरच स्वप्न साकारली जाऊ शकतात.
म्हणजे इच्छा ही स्वप्न आणि मन यातला महत्त्वाचा दुवा आहे.
तशा इच्छा अनेक असतात. प्रत्येक इच्छा निर्मिती मागे संस्कार, सहवास,वातावरण कारणीभूत असतात.चांगल्या वाईट इच्छा या माणसाला कृती करायला भाग पाडतात.
त्यातून माणसाच व्यक्तीमत्व विकसित होत राहतं.
बरेचदा इच्छापूर्ती होईलच असे नसते, मग कुणालातरी साकडे घातले जाते वा हट्ट केला जाऊ शकतो, फक्त इच्छापूर्ती साठी, "इच्छा माझी पूरी करा!"