मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by सुप्रिया जाधव. on 19 April, 2018 - 19:22
ज्या क्षणी तू हात माझा सोडला
जीवनाने पाय मागे ओढला
केवढा उद्विग्न झाला चेहरा
कोणता होता विषय तू काढला ?
ना स्वत:चा, तो तुझा होइल कसा ?
केवढा झाला उशिर समजायला !
एवढ्यासाठीच बहुधा थांबलो
तेवढ्यापुरताच होता मामला
पोखरत काळीज आहे काळजी
सातवा तर जन्म नव्हता आपला ?
एवढ्यासाठीच चालत राहते
परतण्याचा दोर आहे कापला
सुप्रिया
विषय:
Groups audience:
Group content visibility:
Public - accessible to all site users
शेअर करा
झक्कास
झक्कास
ज्या क्षणी तू हात माझा सोडला
ज्या क्षणी तू हात माझा सोडला
जीवनाने पाय मागे ओढला
.....
एवढ्यासाठीच चालत राहते
परतण्याचा दोर आहे कापला
हे एकत्र वाचले की आयुष्याची फरपट लक्षात येते.
सुंदर गझल.