Submitted by अनन्त्_यात्री on 5 March, 2018 - 05:16
सप्त-समुद्रांमधे मिसळती असंख्य सरिता मधुर-जला
मार्गावरती समर्पणाच्या करिती पृथ्वीला सुफला
सप्त-रंग हे इन्द्रधनूचे क्षणभर दिसती, अन विरती
जलबिंदूंवर रविकिरणांचे इन्द्रजाल अद्भूत किती
पुनरावर्तन सात दिसांचे जरी मानवा योग्य दिसे
अनादि काल-प्रवाह वाहे, अंत तयाला कुठे असे?
अपूर्व विभ्रम सप्त-सुरांचे राग होउनी अवतरती
कोंदणात तालांच्या त्यांची अमूल्य रत्ने झगमगती
निर्धाराने परिश्रम करता असाध्य जगती काही नुरे
कल्पनेतले सप्त-स्वर्ग मग भूवरी येतिल खरेखुरे
विषय:
Groups audience:
Group content visibility:
Use group defaults
शेअर करा
अप्रतिम वेध सातोरीचा !
अप्रतिम वेध सातोरीचा !
दत्तात्रयजी, प्नतिसादाबद्दल
दत्तात्रयजी, प्नतिसादाबद्दल धन्यवाद!