Submitted by सुप्रिया जाधव. on 9 January, 2018 - 15:48
ओळीसाठी बेफिजींचे आभार मानून
जन्मणे-मरणे... निरर्थक येरझारा !
(आवरू केव्हातरी सारा पसारा )
काळजीने ते तुझे व्याकूळ होणे
केवढा अप्राप्य झाला हा नजारा
आठवण येते अशी वेळीअवेळी
टपटपाव्या ऐन वैशाखात गारा
कोणत्या दिव्यातुनी भेटीस येतो ?
पावसाच्या एक थेंबाला विचारा
मान्य करते की तुझ्या प्रेमात पडले
रोखण्याला रोग असतो ना फवारा ?
कल्पनेमध्येतरी होशील माझा ?
वास्तवामध्ये असेना बेसहारा !
घे लपेटुन घट्ट अंगाभोवताली
ओढणीमध्ये ' प्रिया ' शिरतोय वारा
सुप्रिया
विषय:
Groups audience:
Group content visibility:
Public - accessible to all site users
शेअर करा