बाजार

Submitted by दत्तात्रय साळुंके on 13 October, 2017 - 23:36

बाजार
धनदांडग्यांच्या हातातला
हा बाजार निरामय नाही

कधी काचही हिरा होई
कधी हिऱ्याची काच होई
हा बाजार निरामय नाही

कुणी लाविले सर्वस्व पणाला
गिळून कढ आतले घेई
हा बाजार निरामय नाही

व्यापारी हे असे माजोरी
शिरजोरी त्यांची होई
हा बाजार निरामय नाही

विक्रेय जे कधीच नव्हते
तेही विकले जाई
हा बाजार निरामय नाही

भोगाची ही रीत निराळी
मुल्यांची निज होळी होई
हा बाजार निरामय नाही

दत्तात्रय साळुंके

विषय: 
काव्यलेखन
शब्दखुणा: 
बाजार
Groups audience: 
गुलमोहर - कविता
Group content visibility: 
Use group defaults
शेअर करा

अर्रे व्वा! खुप सुंदर..
कितीतरी वेगवेगळ्या एंगलनं कविता उलगडतेय.. शेतकरी, आध्यात्म, समाज, राजकारण....
ग्रेट!!

Submitted by र।हुल on 13 October, 2017 - 23:43

राहुल खूप , खूप आभार माझ्या अल्प प्रयत्नांच्या सुंदर प्रशंसेसाठी ........
अंबज्ञ , मेघाजी , अक्षयजी आपले देखिल खूप धन्यवाद सुंदर प्रतिसादासाठी.

Submitted by दत्तात्रय साळुंके on 14 October, 2017 - 10:59