'' डागडुजी''

Submitted by डॉ.कैलास गायकवाड on 4 October, 2017 - 12:55

पुन्हा एकदा मृतदेहांचा खच आहे
जन्माला आलेला मरणारच आहे

अंत कुणाचा असा कधी व्हायला नको
अशी अपेक्षा बाळगणे फारच आहे

आज कुणी दुसरा अन मी असणार उद्या
तिसऱ्यालाही परवाची लालच आहे

डोळे भरले ज्याचे त्याने रक्त दिले
टीव्हीवरती इतरांची मचमच आहे

सुरु असावी तगमग दुसऱ्या पुलाकडे
डागडुजी कैलास तशी बंदच आहे

-- डॉ. कैलास गायकवाड

Group content visibility: 
Use group defaults