Submitted by सुप्रिया जाधव. on 4 October, 2017 - 00:13
तरहीच्या ओळीसाठी बेफिजींचे आभार मानून ...
गैरसमजूतीत ह्या आयुष्य सरले आजवर
मीच संसारात सारे रंग भरले आजवर
स्तब्ध होता चंद्र आणिक स्तब्ध दर्यातीरही
चांदणे होवून लाटेवर विखुरले आजवर
तो म्हणाला की तुझ्यावर प्रेम केले मी खरे
फक्त तो म्हणतो म्हणुन ते ग्राह्य धरले आजवर
बाळ पायावर उभे राहील तोवर हात दे
हात कोणाहीपुढे नव्हते पसरले आजवर
लालिमा उरतो नभी अस्तास गेल्यावर रवी
मी स्वतःला विझवताना हेच स्मरले आजवर
सुप्रिया
विषय:
Groups audience:
Group content visibility:
Public - accessible to all site users
शेअर करा