Submitted by सुप्रिया जाधव. on 9 September, 2017 - 01:24
पाळुनी औदार्य ह्या नात्यातले
खेळणे झाले तुझ्या हातातले
सौख्य दे उधळून कोणाहीवरी
दु:ख दे माझे मला हिश्श्यातले
वादळाचा रोख हा बदलेलही
हात बदलाया नको हातातले
पूर्ण उद्यानात ना मावायचे
गंध जर झाले उघड काट्यातले
गैरसमजांवर जगत राहिल जग
वाद राहो तेवते अपुल्यातले
तुकविली नाही तरीही मान मी
बाण गेले संपुनी भात्यातले
जायचे असल्यास जा सोडून ते
जे कधी होते तुझ्या-माझ्यातले
सुप्रिया
विषय:
Groups audience:
Group content visibility:
Public - accessible to all site users
शेअर करा
क्या बात है......
क्या बात है......
वाह क्या बात.... मस्तच एकदम..
वाह क्या बात.... मस्तच एकदम.... सुंदर गझल