ढंग आगळे

Submitted by शिवाजी उमाजी on 28 July, 2017 - 03:14

ढंग आगळे

तुझ्या आठवांचे ऋतू कोवळे
जगतो एकटा क्षणांचे सोहळे

गुंतुनी गुंत्यात मी असा गुंततो
होता नाही आले मला मोकळे

ढग कित्येक झाले होते गोळा
नच बरसले त्यांचे ढंग आगळे

कामी ना येती कुणी कार्याला
करण्या टिका जमतात कावळे

दाखले काय दिले कंपुबाजांनी
झाले आरोपी शिक्षेतून मोकळे

पुजीले जयां ठेवून भाव भोळा
निपजले जोडीने ढवळे पोवळे

गेले कित्येक कोरडे पावसाळे
भासू लागले प्रिय पहा उन्हाळे

विषय:

शब्दखुणा:

Groups audience:

Group content visibility:

Use group defaults

शेअर करा