मान्य मी मरणार आहे शेवटी

Submitted by डॉर्सी on 31 May, 2017 - 04:39

मान्य मी मरणार आहे शेवटी
पण तरी उरणार आहे शेवटी

हासतो पाहुन दुसऱ्याचे मरण
तो कुठे जगणार आहे शेवटी

वाचते आहे मला ती सारखी
मी तिला कळणार आहे शेवटी

तू गझल माझी जवळ वा दूर कर
शेर तर भिडणार आहे शेवटी

जो जसा आहे तसा तो वाटतो
काय मी फसणार आहे शेवटी
-डॉर्सी

विषय: 
काव्यलेखन
Groups audience: 
गुलमोहर - गझल
Group content visibility: 
Use group defaults
शेअर करा

फार छान !!
तू गझल माझी जवळ वा दूर कर
शेर तर भिडणार आहे शेवटी >>> मस्तच

Submitted by विनिता.झक्कास on 31 May, 2017 - 05:53