मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by निशिकांत on 5 April, 2017 - 02:05
राग दरबारीच गातो, झोपडीचे घर तरी
लक्तरामध्येच सजतो नावडे मज भरजरी
तार सप्तक खर्ज यातच सूरही हिंदोळती
दुःखही आनंद होउन हसतसे माझ्या स्वरी
छत घराचे पावसाळी ठिबकते पण दुःख का?
त्याच छिद्रातून येती चांदण्याच्याही सरी
संपदा नव्हतीच केंव्हा वाटण्या भांवामधे
भांडण्या मुद्दाच नसता स्नेह नांदे अंतरी
जमवले लाखो करोडो मार्ग त्यांचे कोणते ?
घाम गाळुन अंग मोडुन कमवतो मी भाकरी
जीवनाच्या उत्सवाला लागते का धन कधी ?
पंचतारांकित सुखाला आसरा माझ्या घरी
तृप्त माझ्या जीवनाचे गूढ मी सांगू कसे ?
वेदनांनी राज्य केले अन सुखांनी चाकरी
तीच आई तेच बाबा तेच जगणे दे मला
देव राया नोंद घ्यावी अर्जवाची दप्तरी
सूर ताना आर्त दु:खी छेडल्या नाही कधी
वाटते "निशिकांत" आहे खूपसे जगण्यापरी
निशिकांत देशपांडे मो. न. ९८९०७ ९९०२३
विषय:
Groups audience:
Group content visibility:
Public - accessible to all site users
शेअर करा
जमवले लाखो करोडो मार्ग
जमवले लाखो करोडो मार्ग त्यांचे कोणते ?
घाम गाळुन अंग मोडुन कमवतो मी भाकरी
जीवनाच्या उत्सवाला लागते का धन कधी ?
पंचतारांकित सुखाला आसरा माझ्या घरी
तृप्त माझ्या जीवनाचे गूढ मी सांगू कसे ?
वेदनांनी राज्य केले अन सुखांनी चाकरी
तीच आई तेच बाबा तेच जगणे दे मला
देव राया नोंद घ्यावी अर्जवाची दप्तरी>>>> मस्त!
वाह ! छान !
वाह ! छान !
वाह....प्रत्येक ओळ अर्थपूर्ण.
वाह....प्रत्येक ओळ अर्थपूर्ण....खूपच छान
छान
छान
वाह....प्रत्येक ओळ अर्थपूर्ण.
वाह....प्रत्येक ओळ अर्थपूर्ण....खूपच छान ++॑११
खुप छान
खुप छान
कविता आवडली. शब्दरचना, अर्थ
कविता आवडली. शब्दरचना, अर्थ छान आहे.
"""छत घराचे पावसाळी ठिबकते पण
"""छत घराचे पावसाळी ठिबकते पण दुःख का?
त्याच छिद्रातून येती चांदण्याच्याही सरी """
The Best......
खूप सुंदर......
खूप सुंदर......
खूपच आवडली.
खूपच आवडली.
विशेषत:, "छत घराचे पावसाळी ठिबकते पण दुःख का? त्याच छिद्रातून येती चांदण्याच्याही सरी" ...... अप्रतिम
कावेरि, टवाळ एकमेव, मीनल
कावेरि, टवाळ एकमेव, मीनल कुलकार्णी, तैमूर, अक्षय दुधाळ, अनुया, दीपा जोशी, पुरंदरे शशांक, मनापासून आभार सर्वांचे प्रतिसादासाठी.