सर्वत्र गंध त्याचा मुरला हवेत आहे

Submitted by सुप्रिया जाधव. on 1 April, 2017 - 03:14

मी एवढ्याचसाठी हे श्वास घेत आहे
सर्वत्र गंध त्याचा मुरला हवेत आहे

त्याच्या नभांगणीचा झालेय ध्रूवतारा
आता क्षितीज त्याचे माझ्या कवेत आहे

का पेरणीकडे ती दुर्लक्ष साफ करते ?
पाऊस तर तिच्याही शेतात येत आहे

गावाकडील झाडे गेली वठून गेली
पक्षिण तिच्या पिलांना शहरात नेत आहे

बाहेर काढलेले माझ्यातुनी मला मी
माझ्यामधेच आता झोकून देत आहे

सुप्रिया

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

छान ! !

Submitted by मीनल कुलकर्णी on 7 April, 2017 - 00:54

मला......."त्याच्या नभांगणीचा झालेय ध्रूवतारा
आता क्षितीज त्याचे माझ्या कवेत आहे."....हे कडवं सगळ्यात जास्त आवडलं

Submitted by मीनल कुलकर्णी on 7 April, 2017 - 02:35