काय सांगावे......

Submitted by मीनल कुलकर्णी on 30 March, 2017 - 14:01

काय सांगावे...

फुलासवे जरी बोचती काटे
तरी परिमल सुखावे....

अंधारात धुके दाट तेंव्हा
हात तुझे हाती असावे...

देह घुटमळे उंबरठ्यापाशी
वेशीपार वेडे मन धावे...

माझे असे काही नाही मजपास
तुजला मी आता काय द्यावे....

माझा जन्म आहे आधी अर्थहीन
तुज मी कैसे उध्दारावे....

आयुष्य सारे आहे एक फसगत
कोणास आपले मानावे....

शब्दच सखा शब्द सोबती
शब्दांनाच घेऊन संगे चालावे...

"मीनू" म्हणे एवढी ठेव आठवण
आणि काय वेगळे सांगावे...
- मीनल

प्रांत/गाव: 
Group content visibility: 
Public - accessible to all site users

शब्दच सखा शब्द सोबती
शब्दांनाच घेऊन संगे चालावे...व्वा सुरेख खुप मस्त