वर्तमानातील वेठबिगारी.

काही महिन्यांपुर्वी एका कामासंदर्भात अहमदाबादला गेलो होतो.

तेथे एका जुन्या सहकार्‍याची भेट झाली. तो अहमदाबादला २ वर्षापुर्वी एका कंपनीत रुजु झाला होता.
त्याकडून कळले ते धक्कादायक होते.त्याला व त्याच्यासारख्या जुन्या कर्मचार्यांन्ना ५ महिने पगार मिळाला नव्हता. तसेच कबूल पगाराच्या फक्त ६०% एवढाच पगार मिळतो...पुर्ण पगार हा फक्त कागदावरच असतो. बोनस, लिव्ह एन्कँशमेंट, एल. टी. ए. वगैरे तर सोडुनच द्या! हे असे दर वर्षी घडत असते!!

मी जेंव्हा विचारले "असे असेल तर सोडून द्यावी व नवीन संधी शोधावी" तर त्याचे उत्तर होते तो व त्यासारखे सर्व जुने कर्मचारी जे कि चाळीशीच्या आसपास आहेत; त्यांना हे सोपे तर नव्हतेच पण नुकसान करणारे पण आहे. कारण पगार नसल्याने जवळपास सगळेचजण मिळते तेवढी (तुट्पुंजी) उचल घेतात. कंपनी मुद्दाम अशी उचल कर्मचार्यांच्या खाती येणे दाखवते व ह्यासंदर्भात विलंब करते. आणी कुणी राजीनामा दिला तर तो स्विकारतही नाही आणी 'अँडव्हांस सेटल करण्यास विलंव' बद्दल नोटीस देतात व राजीनामा अडकवून ठेवतात. त्याला सोडत पण नाहीत. त्यामुळे बरेचजण नोटिस कालावधी झाला की गुमान निघून जातात, सर्व लाभांवरती पाणी सोडून. दुसरा इलाजच नाही. ५० वर्षावरीम कर्मचारी तर हा विचार करूच शकत नाही कारण त्यांच्या मिळु शकणार्या लाभाची रक्कम बरिच असते आणी ती कधितरी मिळेल अश्या वेड्या आशेवर उर्वरीत काळ कंठत असतात.

बरे पी. एफ. पण जमा करत नाहीत. मी म्हटले कि हा तर गुन्हा आहे. त्यांवर कारवाई होउ शकते तर तो म्हणाला कि ह्यात इथले लोक वाकबगार आहेत आणी त्यांची 'लिगल टीम' मजबूत आहे. त्यांच्या अशा बर्याच केसेस खूप वर्षापासून सुरू आहेत.
आणी ह्यावर कडी म्हणजे ही तिथली 'स्टँंडर्ड प्रँक्टिस' आहे आणी हे बर्यापैकी 'चलता है!'
असे आणी बरेच किस्से! शेवटी डोके जाम भणभणायला लागले.

आपल्याकडे 'शिक्षण सेवक' व तद्दन खाजगी एंजिनीअरिंग महाविद्यालयात पण असे चालते असे ऐकून होतो. ही वर्तमानातीम वेठबिगरीच नाही कां?