मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by ऋषभ गि.कुलकर्णी on 26 December, 2016 - 07:03
आकाश चांदण्यांनी.. पुन्हा फुलून आले !
काळीज आठवांनी.. पुन्हा भरून आले !
बेभान ह्या ऋतूंचे रडणे नका विचारू
लाटेत गारव्याच्या.. रस्ता चुकून आले !
त्या लाजऱ्या वयाला द्या चांदणे उशाशी
स्वप्नात प्रेयसीच्या .. बघ वावरून आले !
ओठी तिच्या अताशा माझेच नाव आहे
चौघात नाव माझे.. ओठांवरून आले !
ओसाड वर्ग इथले आक्रोश बाकडांचा-
गुणवंत हरवलेले.. कोठे दिसून आले ?
वाटा कशा फुलांच्या देऊन ठेच गेल्या
पाऊल कोवळेसे .. काट्यांवरून आले !
....
ऋषभ कुलकर्णी
७८७५८३२१९
औरंगाबाद
विषय:
Groups audience:
Group content visibility:
Public - accessible to all site users
शेअर करा
मस्त..मस्त ...मस्तच ! ! ! खूप
मस्त..मस्त ...मस्तच ! ! !
खूप खूप छान...
स्पेशली,
त्या लाजऱ्या वयाला द्या चांदणे उशाशी
स्वप्नात प्रेयसीच्या .. बघ वावरून आले !
ओठी तिच्या अताशा माझेच नाव आहे
चौघात नाव माझे.. ओठांवरून आले !
एकच नंबर ! ! !
>>>या लाजऱ्या
>>>या लाजऱ्या वयाला...<<<मस्त!
आभार......कावेरि जी,सत्यजित
आभार......कावेरि जी,सत्यजित जी..
अत्यंत छान गझल. सुंदर आशय
अत्यंत छान गझल. सुंदर आशय आहे. आवडली.
फक्त शेवटुन दुसऱ्या शेरात मीटर जरा चुकल्यासारखे वाटत आहे. तिथे तेवढे पाहा.
<<ओसाड वर्ग इथले आक्रोश बाकडांचा-
गुणवंत हरवलेले.. कोठे दिसून आले ?>>