अमुची कितीक युद्धे बांधावरून झाली...

Submitted by बाळ पाटील on 21 December, 2016 - 14:42

ठाऊक ना कशी ती डावावरून झाली
कुस्ती तशी निकाली पंचावरून झाली

कोरायचेच आहे,ह्रदयात प्रेम कोरा
अमुची कितीक युद्धे बांधावरून झाली

नाही म्हणून शकुनी अडले इथे कुणाचे
बघ वाटणी घराची मामावरून झाली

काबाडकष्ट करुनी मिळवीत दाम होता
हत्या तिथेच सुट्टया पैशावरून झाली

ही मानही अशी की नखरेल नार आहे
परवा तिथे लढाई मानावरून झाली
_बाळ पाटील

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा