मला उमगलेला 'मराठा मूकमोर्चा' ...

समीर,
लेख अतिशय आवडला आहे.

मला या मोर्च्याचे खरेच कौतुक वाटत आहे.

तुमच्या नावानिशी काही मित्रांना फॉर्वर्ड करत आहे.

लेख खूप आवडला. तुमचा हा लेख, आधी निघालेला एक धागा व गेल्या काही दिवसांत ह्या विषयावर वाचलेले / ऐकलेले असे सगळे मनात ठेवून पाहिले तर असे वाटते की मलाही ह्या मोर्च्याबद्दल आकर्षण निर्माण झाले आहे. आवडत आहे असा मोर्चा निघालेला.

त्याचवेळी असेही वाटत आहे की तुम्ही फक्त चांगल्या शक्यता वर्तवत आहात. ह्या संघटीत झालेल्या विशाल समूहाला स्वार्थासाठी आकर्षित करू पाहणारे राजकारणी पुढे काय करतील हे सांगता येत नाही असे वाटते. शेवटी गरीब माणसाला कुठूनतरी काही लाभ होत असला तर त्याचाही कल तिकडे वळू शकतो असे मनात येते. पण ते नंतरचे नंतर! सध्या एक शंका विचारतो, त्याचे तुमच्यामते उत्तर काय आहे हे जाणून घ्यायला आवडेल.

असे मोर्चे निघण्याचे हे जे टायमिंग आहे त्या टायमिंगचे कारण काय? (कोपर्डी हे निमित्त वाटते, मूळ कारण वाटत नाही, म्हणून विचारले.)

धन्यवाद.

समीर गायकवाडजी,
अतिशय समर्पक शब्दात सकारात्मकतेने आपण मांडलेली भूमिका आवडली.

अतिशय आवडला लेख!

खरच सुन्दर लेख.....अगदी सहमत...!!!!

लेख आवडला.

लेख आवडला
मोर्चा काढण्या मागची कारने वाचन्यात आली ती अशी-

Bhaiya Patil
19 सितंबर को 07:44 अपराह्न बजे ·
काही वाहिनीचे प्रतिनिधी मराठा क्रांती मोर्चाच्या 5 ते 6 मागण्या असताना केवळ एकाच मागणीला तेही चुकीच्या पद्धतीने मांडत आहेत..
मराठ्यांचे मोर्चे फक्त आणि फक्त ऍट्रॉसिटी कायदा रद्द करण्यासाठी आहेत. असे बिंबविणे सुरु आहे..
मराठा क्रांती मोर्चाची अधिकृत मागणी ऍट्रॉसिटी कायदाचा गैरवापर रोखणे अशी असताना हे लोक मात्र चुकीची मागणी सारखी सारखी उच्चारत आहेत..
इतर मागण्यांवर कोणताही फोकस ते करत नाहीत..
मराठ्यांचे शांततेत होणारे मूक मोर्चे यांच्या डोळ्यात खपत असल्याने कशा प्रकारे वातावरण दूषित करता येईल यासाठी हे कार्य करत आहेत..
शेतकरी कर्जमाफी, मराठा आरक्षण, स्वामिनाथन आयोग लागू करणे, अण्णासाहेब पाटील महामंडळ ला निधी इत्यादी मुद्द्यांना हे बगल देत आहेत..
नांदेडच्या मोर्चातील ब.मो.पुरंदरे यांचा पुरस्कार परत घेण्याची मागणी तर यांनी गायबच केलेली..
काही मीडिया प्रतिनिधी मराठा क्रांती मोर्चास बदनाम करण्याची सुपारी घेतल्यासारखे वागत आहेत..
मीडियातील वाटचुकलेल्या माझ्या मित्रानो कृपया मराठ्यांच्या मोर्चाना हिंसक वळण मिळेल अशा प्रकारे वागू नका.. शांततेत मोर्चे होत आहेत ते होऊ द्या यांना उचकावून देऊन तापवले तर यांचा पहिला वार तुमच्यावर असेल..
ज्या मागण्या आहेत त्याच दाखवा उगेच चढून बडून दाखवणे सोडा..

शिवछत्रपतींनी ..........पण वैरभाव संपला नाही

मला असे वाटायला लागले आहे की श्री शिवछत्रपति व पहिले बाजीराव यांच्या खेरीज इतरांना अखंड भारत, हिंदुत्व हे विचार फारसे समजले नव्हते, केवळ वैयक्तिक स्वार्थ, मानापमानाच्या गैर कल्पना, यातच सगळे गुंग होते. जातीपाती यांना फार महत्व देण्यात आले.

हे आता बदलते आहे ही चांगली गोष्ट आहे, मुसलमान हे भारतातले अविभाज्य घटक आहेत.
नि सर्व धर्म सहिष्णुता या चांगल्या गोष्टी आहेत. जर मराठा समाज आपआपसातले मतभेद विसरून एकत्र येऊ शकतो, तर त्यांच्या जोडीला इतरहि जाती त्यांच्या मोर्चात सामिल झाल्या नि कदाचित इतर धर्मीयसुद्धा, तर हिंदुत्व नाही तरी सर्व भारत आपला आहे नि त्यापुढे वैयक्तिक स्वार्थ महत्वाचा नाही हे समाजातील सर्वांच्या मनावर ठरेल व खरीखुरी लोकशाही होईल.

http://www.bbc.com/hindi/india-37413202
महाराष्ट्र में सड़कों पर क्यों उतर रहे हैं लाखों मराठे

. . . . . खूपच आवडला हा बोधप्रद लेख. थोडक्यात म्हणजे ह्या मराठी क्रांती मोर्चांची ठोस अशी काहीच मागणी नाही. एका निद्रिस्त समाजाला स्वतःत काही लहान मोठे बदल घडवून आणायचे आहेत त्या परिवर्तनासाठीच हे मोर्चे निघत आहेत. त्या निमित्ताने हा निद्रिस्त समाज एकूण महाराष्ट्राला शांततामय मार्गाने आपल्या अस्तित्वाची जाणीव करून देत आहे ह्यात वाईट काहीच नाही...
http://supersamir.blogspot.in

छान धागा.

बेफि तुम्हाला टायमिंगचे कारण खरच माहित नाही.

अतिशय समर्पक शब्दात सकारात्मकतेने आपण मांडलेली भूमिका आवडली. >>>>@नन्ध्या४३, आपणांस अनुमोदन.

लेख अतिशय आवडला अन मनापासून पटला

लेख आवडला.

लेख अतिशय आवडला

लेख भावनिक वाटला.
मोर्चा ज्या कारणासाठी आहे ती कारणे न पटूनही (किंवा काहीच प्रमाणात पटून) त्या अनुषंगाने जे काही इतर बदल घडत आहेत ते चांगले आहे, म्हणून त्यात माझंही काही योगदान असावं म्हणून मोर्चाला जावे असं म्हणायचं आहे ना तुम्हाला? चांगला विचार आहे.
याचा वापर तापल्यातव्यावर पोळी भाजून घ्यायला होऊ देऊ नका, तसा प्रयत्न तरी करा. येरे माझ्या मागल्या व्हायला वेळ लागत नाही. ज्योत पेटती ठेवा.

अमित, +१
मलाही लेख फॅक्चुअल पेक्षा भावनिक जास्त वाटला.
भारतात नसल्यामुळे बर्‍याचशा गोष्टींचा थेट संबंध येत नाही किंवा बर्‍याच गोष्टींचा थेट परीणाम होत नाही. पण भारताबाहेर राहून 'by looking at the bigger picture' काही गोष्टी गोंधळात नक्की टाकतात. कदाचित इथे उत्तरं मिळतील म्हणून इथेच विचारते.
भारताची जागतिक महासत्ता होण्याकडे वाटचाल वगैरे गोष्टी आपण वाचतो. तर त्या दृष्टीनं आरक्षणाचा खरोखर किती फायदा होतो आहे? कुठल्या कुठल्या क्षेत्रात, किती काळासाठी, कोणते निकष लावून आरक्षण द्यायचे याचे काही नियम आहेत का? जात ही गोष्ट बाजूला ठेवू काही वेळ. त्यामुळे समाज एका पातळीवर येउन (or is this a wishful thinking?) मग समाजातल्या कुठल्या घटकांना आरक्षण दिले तर समाजाचा पर्यायानं देशाचा फायदा होईल असा विचार झाला आहे का? मराठा समाजाला समजा आरक्षण मिळाले तर फक्त ब्राम्हण हा समाज आरक्षणविना असेल का? जे प्रश्न मराठा समाजाचे म्हणून आहेत, ते बाकी सगळ्या चातुर्वर्णीय समाजांमधेही दिसतात. त्यांनाही या मोर्चांमधे सामिल होता येईल का? कृपया प्रामाणिक प्रश्न आहेत, पण सेंसेटिव्ह विषय असल्यानं कधी विचारले नव्हते. उत्तरांची उत्सुकता आहे.

अंजली आणि अमितव,
सध्यातरी मराठा मोर्चा केवळ आरक्षणासाठी नाही तर 'आम्ही सगळे एक आहोत, आमचे इतके इतके संख्याबळ आहे' हे दाखवायला आहे.

ज्या ज्या मराठा लोकांशी बोलले त्यांनी आरक्षण मिळावे हा मुद्दा नसून ओवरऑल आरक्षणाचा फेरविचार व्हावा आणि क्रायटेरिया बदलावेत अशी त्यांची मागणी आहे.

महत्त्वाचं हे वाटतं की गुजरातेतल्या पाटीदारांसारखं या मोर्चाला हिंसक वळण लागलं नाही तसंच अजूनतरी कुठला राजकीय नेता याचा फायदा/गैरफायदा घेताना दिसला नाही.

लांबून पहाताना एकाच जातीचं संघटन होतंय असं वाटतंय पण प्रत्यक्षात मराठ्यांतही कित्येक भेदभाव आहेत.
बरेचसे ऑलरेडी स्वतःला कुणबी म्हणवून ओबिसी आरक्षण घेतलेले आहेत.

सो इन लार्जर पर्स्पेक्टिव्ह हे एक चांगले संघटनही होऊ शकते.
शांतपणे संघटन कसे होऊ शकते याचा हा वस्तुपाठ होऊ शकतो.

साती, त्या मोर्चांच्या काही मागण्या नाहीत हे नक्की का? कारण फेसबुकवर एकजण आहेत, जे आपण या मराठा मोर्चांशी आणि मराठा प्रश्नांशी संबंधित असल्याचं म्हणतात. त्यांनी काही मागण्यांचा उल्लेख केला आहे. त्यांच्या त्या पोस्टचा फोटो मी दुसर्‍या धाग्यावर दिला आहे.
आरक्षण हवं किंवा त्याच्या बेसिसचा पुनर्विचार, अ‍ॅट्रॉसिटी कायद्याचा पुनर्विचार या दोन मागण्या आहेत असं दिसतंय . आणखीही आहेत. प्रत्यक्ष मोर्चात मांडल्या जात नसतील, तरी त्यांबद्दल बोललं तर जातंय.
मोर्चाला जाणार्‍यांपर्यंत किंवा फॉलो करणार्‍यांपर्यंत फक्त संघटन हाच संदेश पोचला असेल किंवा कोपर्डी प्रकरणामुळे वाचा फुटलेला आक्रोश असेल ,असंही असू शकतं.
शेतीसंबंधी काही मागण्या दिसल्या नाहीत किंवा माझ्या नजरेतून आणि स्मरणातून सुटल्या असतील.

लेख वाचला, चांगला लिहिला आहे.
फक्त मराठा समाज आता "नांदेडच्या मोर्चातील ब.मो.पुरंदरे यांचा पुरस्कार परत घेण्याची मागणी तर यांनी गायबच केलेली.." या वीषवल्लीपासुन स्वतःस दूर कसा राखतो हे पहाणे औत्सुक्याचे ठरेल.

सो इन लार्जर पर्स्पेक्टिव्ह हे एक चांगले संघटनही होऊ शकते.
शांतपणे संघटन कसे होऊ शकते याचा हा वस्तुपाठ होऊ शकतो>>> ह्म्म्म्म. पण मग एवढाच उद्देश आहे का मोर्चाचा? यानं काय साध्य होणार आहे? एकाच जातीचा मोर्चा काढला तर बाकी जातीही सिमीलर काहीतरी काढणार मग जातीय तेढ, एकमेकांमधली दरी वगैरे प्रॉब्लेम्स वाढणार नाहीत का? तसंच माझ्या बाकी प्रश्नांची उत्तरं मिळाली नाहीत.
लिंबूटिंबूच्या धाग्यावर भरत यांचा आरक्षणासंबंधी प्रतिसाद वाचला. अगदी तटस्थ दृष्टीकोन ठेवून वाचले तरी काही गोष्टी पटल्या तर काही नाहीत. उद्या सकाळी लिहीन काही अजून प्रतिसाद आले त्यातून उत्तरं मिळाली नाहीत तर.

भरत, काही मागण्या नाहीत हे मी लिहिलेले नाही.
केवळ आरक्षण एवढीच मागणी नाही असं लिहिलंय.

ज्या ज्या मित्रांशी बोलले त्यांनी हेच सांगितले.

समीरजी, चांगला लेख

लेख आणि प्रतिसाद दोन्हि उत्तम,

जातीय आरक्षण बंद व्हावे.

श्रीमंतांचे पेमेंट आरक्षण वापरून ५६ % असताना डिग्री मिळवणारा .... त्याचे काय करायचे ?

जातीय आरक्षण बंद व्हावे.

श्रीमंतांचे पेमेंट आरक्षण वापरून ५६ % असताना डिग्री मिळवणारा .... त्याचे काय करायचे ?

लेख वाचताना चांगला वाटला तरी मलासुद्धा भावनिक वाटला.

दुसऱ्या धाग्यावर पण मी लिहिले होते, मराठा समाजाच्या म्हणून ज्या समस्या संगितल्या जात आहेत त्या " जात " स्पेसिफिक समस्यांपेक्षा पुर्णपणे शेतीवर अवलंबून असणाऱ्या कुटूंबांच्या ( त्यातही अल्पभूर किंवा कोरडवाहू दुष्काळी) समस्या आहेत. फारफारतर ओपन वाल्या शेतकऱ्यांच्या समस्या म्हणा.

मराठा समाज यानिमित्ताने एकत्र येतोय हे चांगलय असेही खूप जणांकडून ऐकलं आहे. पण हे एकत्र येवून आपापसातली तेढ वाढतेय कि काय असे वाटतंय. मला फेसबुक / ट्वीटरवर हे काही दिसले त्यात मराठा आणि नवबौद्ध दोन्हीकडचे लोक एकमेकांना शिव्याशापच देत आहेत.

शिवाय मुळात असं सगळ्यांनी आपापल्या जाती पुरतं एकत्र येणं पटत नाही ते वेगळंच.

नवबौध्द मराठा मधे काही तेढ नाहिय असे कोणी दाखवत असेल तर तो खोटा प्रचार आहे सोलापुर व इतरही ठिकाणी मोर्चा आंबेडकर पुतळ्याला अभिवादन करुन निघाला होता

विरामचिन्ह राहिली बघा.