मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by सुप्रिया जाधव. on 22 June, 2016 - 13:07
त्याच्या विचारांनीच आहे व्यापला
कप्पा मनाचा एकही नाही खुला
जाणार आहे तो कितीसा लांबवर ?
येणार आहे परतुनी झुलता झुला !
कोणा-कुणाला एकटा पुरशील तू ?
माझा नको होवूस पण हो म्हण तिला !
विझवू नको ज्योतीस फड़फड़ते तरी
तितका तरी अंधार आहे पांगला
मी मोजल्या अक्षम्य झालेल्या चुका
त्याच्यापरीने तो क्षमाशिल वागला
होईल तिथवर एकटीने चाल तू
येईल धावत वेदना गाठायला !
सुप्रिया
विषय:
Groups audience:
Group content visibility:
Public - accessible to all site users
शेअर करा
