Submitted by बेफ़िकीर on 6 June, 2016 - 12:05
जमवलेल्या माणसांची संख्या
गमवलेल्या माणसांच्या संख्येपेक्षा
जास्त असते
तोवर जगण्यात मजा असते
गमवलेल्या पैश्यांची मजा
जमवलेल्या पैश्यांपेक्षा
जास्त असते
तोवर जगण्याची मजा असते
जगण्याच्या दु:खापेक्षा
मरण्याचे दु:ख जोवर
जास्त असते
तोवर जगण्याची मजा असते
मरण्याच्या मजेपेक्षा
जगण्याची मजा जोवर
जास्त असते
तोवर जगण्याची मजा असते
फक्त आजचाच दिवस
असा निघाला
की जमवलेल्या माणसांची संख्या
गमवलेल्यांशी माणसांच्या संख्येशी जुळली
जगण्याचे दु:ख
आणि मरण्याचे दु:ख
समान होते
आणि तरीही मी
जिवंतच होतो काही तास
ते काही तास
मला जे शिकवून गेले
ते हादरवणारे होते
जायचे तर क्षणात जा
नाहीतर
मला क्षणात संपव
ह्या असल्या
भयानक प्रस्तावना नकोत
===================
-'बेफिकीर'!
विषय:
Groups audience:
Group content visibility:
Public - accessible to all site users
शेअर करा