काळजातली तुझीच मूर्ती चिरते आहे

दोन ओळी सरळ वाचल्या तर एक वाक्य ठरेल अश्या प्रकारचे शेर टाळले जायला हवेत असे माझे मत आहे. शेरांमध्ये वजन निर्माण होईपर्यंत गझल गझलकाराने आपल्याजवळ ठेवावी. अनेकदा आपलेच शेर आपल्याला नंतर भावत नाहीत असा अनुभव येऊ शकतो. हे सगळे मी परखडपणे लिहीत आहे. क्षमस्व!

२, ३, ४, ५ आणि ७ हे शेर तसे आहेत.

खुशाल देते स्वतःस झोकुन भोवऱ्यामधे
आणिक म्हणते भवती दुनिया फिरते आहे ............... मस्त !

घाव घणाचे घाल हवे तर दगडावरती
काळजातली तुझीच मूर्ती चिरते आहे

ही द्विपदी खूप आवडली.
पण 'मूर्ती चिरणे' आणि घण हे काही जुळत नाही.
असो. पण ह्या द्विपदीमागचा विचार खूप आवडला आहे.

मी ढापणार!

>>>घाव घणाचे घाल हवे तर दगडावरती
काळजातली तुझीच मूर्ती चिरते आहे>>>सुरेख शेर!छान गझल!

>>>'मूर्ती चिरणे' आणि घण हे काही जुळत नाही.>>>माझ्या काळजाला दगड समजून नित्य प्रहार करतोस तर करत रहा...पण त्या दगडात,मी तुझीच मूर्ती जपली होती! ती तुझ्याच घावांनी आता चिरते आहे!
(या दगडी काळजातुन नक्षीदार मुर्ती घडवणारा मूर्तीकार,अशीच त्याची मूर्ती/प्रतिमा/ओळख जपली असावी! त्या प्रतिमेला तो स्वतःच आता तडा घालतो आहे!)

गजल छान!

शेवटचा जबरदस्त!

मतला खूप आवडलाय