गडबड होते!

Submitted by नानुभाऊ on 18 April, 2016 - 03:38

गडबड होते!

तिला पाहतो, गडबड होते
उगाच जगणे अवघड होते!

तिचा अबोला किती बोलका!
न बोलताही बडबड होते!

मैफलीत ती येते, अन् मी
शोधत बसतो, धडपड होते!

पावसात तिज मिठीत माझ्या
बघुन ढगांची गडगड होते!

मनात ही मी तिच्याच मागे
मनामधेही परवड होते!

मला म्हणाली "लय हो तू, मी
हृदयामधली धडधड होते!"

तिला मांडणे गझलेमध्ये
किती लाघवी तडफड होते!

- केतन पटवर्धन

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

गुड

Submitted by वैवकु रीटर्न्स on 18 April, 2016 - 03:53