या शहरात आहे

कोणता आधार या शहरात आहे
वाढले बेकार या शहरात आहे

आर्त किंकाळ्या हवेशी विरतात येथे
कान बहिरे फार या शहरात आहे

चेहऱ्याला रोज असते हासण्याचे
मुखवटे बेजार या शहरात आहे !

या दिशेचा त्या दिशेशी वाद होतो
अन दिशाही चार या शहरात आहे

कायद्याने रोज अत्याचार होतो
कोणते सरकार या शहरात आहे

ह्या चकाचौंधीत दडलेला कसा हा
वाटतो अंधार या शहरात आहे !

रोग कैफाचा कशाला तो असावा
वाढता आजार या शहरात आहे !

चांगला सांगू असा शेजार नाही
नेमके घरदार या शहरात आहे !

विलास खाडे