मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by बाळ पाटील on 14 April, 2016 - 01:18
जाहले आता शहाणे लोक सारे
राहिले नाही कुणी रागावणारे
घास तू कोणासही भरवू नको पण
तू तुझ्या ताटातला तो नीट खा रे
या कुणीही नागवे वाटेल तैसे
सोडली आहेत आम्ही मुक्त द्वारे
लाजही येथे जरा लाजून गेली
आश्रमी तुटतात कैसे वृध्द तारे
तू असा खुर्चीत डुलकी काय घेतो
बघ तिथे मेले किती वाहून भारे
पैजरा मारून तुकया काय साधे
नर असूनी ' हाय ' हे करती इशारे
-- बाळ पाटील
विषय:
Groups audience:
Group content visibility:
Public - accessible to all site users
शेअर करा
लाजही येथे जरा लाजून गेली
लाजही येथे जरा लाजून गेली
आश्रमी तुटतात कैसे वृध्द तारे>>फारच जळजळीत वास्तव रेखाटले !
खूप छान!