मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by vilasrao on 12 April, 2016 - 15:53
गजल : मनास माझ्या
संवेदनाच नाही म्हणते मनास माझ्या
हे बोलणे कसे मग छळते मनास माझ्या
जगतो अता कसा मी जाळून काळजाला
कोणी विचारणारे नसते मनास माझ्या
वेड्यात काढणारे असतील का शहाणे ?
कोडे म्हणाल खुळचट ,,,पडते मनास माझ्या !
अभिनय हसायचा मी वठवून छान आहे
पाहून वेदनाही फसते मनास माझ्या
चालायचे असेही ,,,, असते असेच आता !
कोणी कुणाच नसते,,,, कळते मनास माझ्या
विलास खाडे
विषय:
Groups audience:
Group content visibility:
Public - accessible to all site users
शेअर करा
छान मतला...'अभिनय'ही
छान मतला...'अभिनय'ही छान!
काही ठिकाणी रदीफ व्यवस्थित हाताळल्या गेली नाही,असे वाटले!(वै.म.)
उदा.
>>>वेड्यात काढणारे असतील का शहाणे
काहूर दाटलेले असते मनास माझ्या<<<येथे 'मनास' ऐवजी 'मनात' काहूर दाटले असावेसे वाटणे साहजिक वाटते!
वेड्यात काढणारे असतील का शहाणे?
कोडे म्हणाल खुळचट..पडते मनास माझ्या>>>असे सहज सुचले!
अर्थात,येथे 'काहूराची' तिव्रता मात्र जरा कमी होते!
धन्यवाद सत्यजित'जी ! रफिद
धन्यवाद सत्यजित'जी !
रफिद व्यवस्थित हाताळल्या गेली नाही >>अगदी बरोवर पटले !
वेड्यात काढणारे असतील का शहाणे?
कोडे म्हणाल खुळचट..पडते मनास माझ्या>>> हा पर्याय छान सुचविल्याबद्दल धन्यवाद,काहूर इतकी
जरी तिव्रता नसली तरी तंत्र पाळण्यासाठी एवढी तडजोड मला करावी वाटते ,
मला "कोडे कशास वेडे पडते मनास माझ्या"ही ओळ सुचली होती पण खुळचट हा शब्द सुचविल्याबद्दल पुनश्च
धन्यवाद!
संपादित केले आहे !