तो डोक्याचा वापर ती हृदयाचा करते

Submitted by सुप्रिया जाधव. on 11 April, 2016 - 01:48

प्राणपणाने त्याच्यावरची निष्ठा जपते
नात्यामध्ये बहुधा माझे इथेच चुकते

किती भरभरून घालशिल तू झोळीमध्ये ?
समोरच्याची झोळी तितकी दणकट नसते

एकनिष्ठता सिध्द करावी लागत नाही
जवाहिऱ्याला खऱ्या हिऱ्याची ओळख पटते

फरक नेमका दोघांमधला हाच असावा
तो डोक्याचा वापर ती हृदयाचा करते

प्रेम प्रेम हे एक शहाणे खूळ नव्हे का
दुनिया अख्खी भजन मिरेचे का गुणगुणते ?

तोच घालतो फुंकर मोठ्या निर्दयतेने
ज्याला उजेड देण्यासाठी पणती जळते

सुप्रिया

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा