Submitted by सुप्रिया जाधव. on 4 April, 2016 - 14:01
मौन ओठांचे नि संभाषण हवे
हे हवे आहे मला ते पण हवे !
एवढ़यासाठीच जाते दूर की,
भेटण्यासाठी नवे कारण हवे !
आळणी वाटेल जगणे त्याविना
कोणते ना कोणते दडपण हवे
भावना सच्ची असो किंवा नसो
पाठ केलेले तुझे भाषण हवे
जर खरा साधायचा उत्कर्ष तर
आपले अपुल्यासवे भांडण हवे !
कर्ज एकाकीपणाचे फेडण्या
आठवांचे ठेवले तारण हवे
सहन नाही होत ताटातूट ही
विरह दे पण सोबतीचे क्षण हवे !
काहिली मिटवायची असलीच तर
खोल जमिनीआतले रांजण हवे
सुप्रिया
विषय:
Groups audience:
Group content visibility:
Public - accessible to all site users
शेअर करा
एवढ़यासाठीच जाते दूर
एवढ़यासाठीच जाते दूर की,
भेटण्यासाठी नवे कारण हवे !>>छान
>>>आळणी वाटेल जगणे
>>>आळणी वाटेल जगणे त्याविना
कोणते ना कोणते दडपण हवे>>>मस्त!
>>>जर खरा साधायचा उत्कर्ष तर
आपले आपल्याशी भांडण हवे !>>>मस्तच!
धन्यवाद !
धन्यवाद !
<< जर खरा साधायचा उत्कर्ष
<< जर खरा साधायचा उत्कर्ष तर
आपले अपुल्यासवे भांडण हवे !
कर्ज एकाकीपणाचे फेडण्या
आठवांचे ठेवले तारण हवे >>
हें तर खूप भावले ! छान.