ठरवलेच तर करता येते !

Submitted by सुप्रिया जाधव. on 3 April, 2016 - 07:06

हृदयाला भळभळता येते
रक्त पुन्हा गोठवता येते

कवटीमध्ये मेंदू तरिही
चिंतेला पोखरता येते !

सर्वांगाची चाळण होते
नजरांना आवरता येते ?

सांगुन गेली तुझी आठवण
ऋतूविना मोहरता येते

चल मिटवूया दरी मनातिल
ठरवलेच तर करता येते !

विस्कटले आवरता येते
होय मला सावरता येते !

असे दुःख तू दिलेस मित्रा..
प्राणपणाने जपता येते !

सुप्रिया

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

छान

Submitted by अरविंद चौधरी on 3 April, 2016 - 12:41