आतला पक्षी कुठे बांधील होता

Submitted by बाळ पाटील on 26 March, 2016 - 01:20

हे कळाले जीव हा गाफील होता
हरघडीचा श्वासही कातील होता

भाजलो भट्टीत तेव्हा ज्ञात झाले
काळजाचा लाडही फाजील होता

शेवटी माझीच होती चूक सारी
दावला सुर्यास मी कंदील होता

पिंजरा बंदिस्त देहाचा जरी हा
आतला पक्षी कुठे बांधील होता

चोरले चित्तास आता चोरट्यांनी
त्यात भोळा देवही सामील होता

-- बाळ पाटील

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा