सुर्यास झाकण्याचा त्यांचा प्रयास होता

Submitted by बाळ पाटील on 19 March, 2016 - 00:49

दिसणार ना कधी तो ऐसा कयास होता
सुर्यास झाकण्याचा त्यांचा प्रयास होता

जिंकून घेतलेले त्याने इथे स्वत:ला
आता न अर्थ कुठल्या दिग्वीजयास होता

येतात वादळे अन जातात वादळे ही
भीती न धाक त्यांचा हिम - आलयास होता

हा जो निगूढ आत्मा आहे स्वयंप्रकाशी
त्याला कुणी न येथे उजळावयास होता

तू का उगाच खातो मांडे अहंपणाचे
हर मस्तवाल येथे गेला लयास होता

-- बाळ पाटील

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

वाह छान आहे. तांत्रिक बाबी काही कळत नाहीत, पण एका ओळीत बदल सुचवत आहे,
अर्थ आणि गेयता टिकून राहील असे वाटते.

>>आता न अर्थ कुठल्या दिग्वीजयास होता
आता न अर्थ कसला (त्या) दिग्वीजयास होता

Submitted by महेश on 19 March, 2016 - 05:40

सुंदर रचना बाळ पाटिल जी!

शक्य तोवर ऱ्हस्व-दीर्घाच्या सुटी टाळता आल्या तर उत्तम! शुभेच्छा! >>>>>
...... धन्यवाद सत्यजीतजी ! ऱ्हस्व-दीर्घाबाबत हीमालयास ऐवजी फार तर हिम - आलयास हा बदल करता येईल. परंतु दिग्वीजयासहा शब्द मात्र अपरिहार्य आहे असे वाटते..

Submitted by बाळ पाटील on 22 March, 2016 - 03:07

वाह छान आहे. तांत्रिक बाबी काही कळत नाहीत, पण एका ओळीत बदल सुचवत आहे,
अर्थ आणि गेयता टिकून राहील असे वाटते.

>>आता न अर्थ कुठल्या दिग्वीजयास होता
आता न अर्थ कसला (त्या) दिग्वीजयास होता >>>>>>>
........ महेशजी धन्यवाद ! आपण सुचविलेला बदल देखील आवडला. पण मला वाटते त्याने एवढा फरक पडणार नाही.

Submitted by बाळ पाटील on 22 March, 2016 - 04:03