आरशात पाहताना
दिसते अनोळखी छबी
सताड उचकटलेली एक
काळाची डबी
पुष्कर आठवांच्या
झाडाने वाकावं
काळ्या आईच्या कुशीत
फांद्याफांद्यांनी टेकावं
सुसाट शहरांचा वेग
अंगावर वागवताना
कार्बनमधे करपलेल्या
चेह-याला बदलावं
गिअरच्या सायकली
आणि डोंगराची चढण
मेण्टेन राहतो उगाचच
तुझ्या भेटीच्या भीतीनं
धूराच्या वलयातून वेडावते
एक नाचरी बाहुली
बंद डोळ्यांपुढे पसरते
निळसर किरमिजी सावली
मंदअंधा-या क्षितिजापर्यंत
एकशे एक रात्रीतील स्वप्नाळू शहरं
उडत्या चटया, जादूचे ढग
सोनेरी घुमटांचे महाल
त्यातली लखलखती दालनं
चमचमते दागिने
तुझ्या गळ्यात हि-यांचा हार
आणि
मी केसात माळलेला शुभ्र गजरा
मोगरा नाही गं हा
स्वर्गीय फुलांचा नजारा
जोडीने पाहिलेला
तुझ्या माझ्या कवितेतला
सावरून बसताना माऊस हलतो
आणि स्क्रीनसेव्हर गायबावे तसा
आसमंत स्वच्छ होऊन जातो
रीडींग ग्लासेस आहेत डोळ्यांवर
आता बट येत नाही चुकून कपाळावर
केस मागे गेलेत, बरंका
तुझे गाणे अजून ओलेते
देतं माझ्या दारावर धडका
चष्म्यावरची धूळ पुसतां पुसता
भिंतीवरचं घड्याळ
कोरडे टोल देत राहते
निर्दयीपणे या क्षणाला
कसा उत्तर देऊ तुझ्या
न-कवितेला ?
- कवीकापोचे
(No subject)
छान! मला शेवटची दोन कडवी
छान! मला शेवटची दोन कडवी कविता म्हणून पुरेशी वाटली. कदाचित आधीची कडवी कळली नसावी वा त्यांच्या पुर्ण कवितेशी असलेला संबंध लक्षात आला नसावा. पण ३रे ४थे छानच.
रीडींग ग्लासेस आहेत डोळ्यांवर
आता बट येत नाही चुकून कपाळावर>>!!!!
छान आहे कविता पण बी म्हणतोय
छान आहे कविता पण बी म्हणतोय तसे सुरवातिचे कडवे कळाले नाहित.
शेवटचे कडवे सत्य्, नैसर्गिक, वास्तव.....:)
आमच्या स्क्रिनसेवर वर
आमच्या स्क्रिनसेवर वर ऐश्वर्या आहे
म्हाता-या माणसाचा
म्हाता-या माणसाचा स्क्रीनसेव्हर आहे
ती थोडी म्हातारी झाली आहे पण
ती थोडी म्हातारी झाली आहे पण
अरे वा ! कैपोचे सर कविता
अरे वा ! कैपोचे सर कविता पण किती छान लिहिता ... खुप आवडली ही कविता .
इंटरेस्टिंग..
इंटरेस्टिंग..
छान
छान
सर्वांचे आभार.
सर्वांचे आभार.
आवडली
आवडली