Submitted by मी अभिजीत on 3 January, 2016 - 18:48
नविन वर्षाची गझल -
इतके जमेल काय नविन वर्षा
सर्वांचा कर न्याय नविन वर्षा
दरवर्षी काही बदलत नाही
'कालनिर्णय' शिवाय नविन वर्षा
चिंतांना दु:खांना झगडयांना
काही सुचव उपाय नविन वर्षा
डबके झाले आहे जगण्याचे
थोडा बदल हवाय नविन वर्षा
जावे पुढेच, मागे फिरण्याचा
असतो का पर्याय नविन वर्षा
आयुष्याच्या कुरूक्षेत्रावरती
रोज नवा अध्याय नविन वर्षा
-- अभिजीत दाते (०२/०१/२०१६)
विषय:
Groups audience:
Group content visibility:
Public - accessible to all site users
शेअर करा
रदीफ कल्पक आहे.
रदीफ कल्पक आहे.
छान आहे
छान आहे