जीवना

Submitted by गजानन रताळे on 18 December, 2015 - 01:18

जीवना

अजून येथे चालायचे किती
असे मुक्याने बोलायचे किती

नको मला नाव तुझे नको गड़े
मनात नाते जोड़ायचे किती

कळे न का मी दुःखेच पाहतो
कळे न दुःखे तोलायचे किती

तुझ्या नभाची स्वप्नेच वेगळी !
अजून तारे मोजायचे किती

दिसे जगाचा खोटाच चेहरा
तुला हवे ते शोधायचे किती

मुक्या किणाऱ्याला रोज वादळे
सुसाट वारे झेलायचे किती

जरी भिकारी दारात मी तुझ्या
उधार जगणे मागायचे किती

असा कसा रे हा सूर जीवना
पुसून डोळे मी गायचे किती

-गजानन रताळे

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

वाव्वा...गझल आवडली!
'दुःखे' तेवढा जरा हलका वाटला,किंवा भरीचा!
यशस्वी गझल...अभिनंदन,शुभेच्छा!

Submitted by सत्यजित... on 18 December, 2015 - 04:58